મહારાષ્ટ્ર ઔધોગિક વિકાસ નિગમ સ્થિત ફેક્ટરીમાં મંગળવારે ગેસ લીક થવાના કારણે ગંભીર પરિસ્થિતિ સર્જાઇ હતી.
સલ્ફયુરિક એસિડ લીક
મહારાષ્ટ્ર ઔધોગિક વિકાસ નિગમ (MIDC) સ્થિત ફેક્ટરીમાં મંગળવારે સવારે 10 વાગ્યે સલ્ફયુરિક એસિડ લીક થયું હતું. જેમાં કેટલાક લોકોને સ્વાસ્થ્ય સંબંધિત તકલીફો જોવા મળી હતી.
લક્ષણો
થાણે મ્યુનિસિપલ કોર્પોરેશનના રિજનલ ડિઝાસ્ટર મેનેજમેન્ટ સેલના વડા સંતોષ કદમે જણાવ્યું હતું કે કેમિકલ બાષ્પ લીક થયા બાદ ફેક્ટરીની નજીક રહેતા લોકોને શ્વાસ લેવામાં તકલીફ, આંખોમાં બળતરા, ઉબકા અને અન્ય સ્વાસ્થ્ય સંબંધિત સમસ્યાઓ થવા લાગી હતી.
ફેક્ટરીની નજીક રહેતા લોકોને શ્વાસ લેવામાં તકલીફ
સંતોષ કદમે જણાવ્યું હતું કે અંબરનાથના મહારાષ્ટ્ર ઔધોગિક વિકાસ નિગમ (MIDC) સ્થિત ફેક્ટરીમાં મંગળવારે સવારે 10 વાગ્યે સલ્ફયુરિક એસિડ લીક થયું હતું. આ કારણએ બીમાર પડેલા લોકોને ઉલ્હાસનગરની સેન્ટ્રલ હોસ્પિટલમાં દાખલ કરવામાં આવ્યા છે.
તેમણે કહ્યું કે તમામની સારવાર ચાલી રહી છે અને હાલ તેમની હાલત સારી છે અને તેઓ જોખમની બહાર છે. લીક અંગે માહિતી મળતા જ સ્થાનિક પોલીસ અને ફાયર બ્રિગેડના જવાનો ઘટના સ્થળે પહોંચી ગયા હતા અને લીકેજ બંધ કરાવ્યું હતું. લીક થવાનું કારણ જાણવા માટે તપાસ ચાલી રહી છે.