મહારાષ્ટ્રના મુખ્યમંત્રીનું પદ મળ્યા બાદ ઉદ્ધવ ઠાકરેએ આજે વિધાનસભામાં ફ્લોર ટેસ્ટ પાસ કરી લીધો છે. ઉદ્ધવ ઠાકરે સરકારે બહુમતીનો 145નો આંકડો પાર કરી લીધો છે. ઉદ્ધવ ઠાકરે સરકારને બહુમતી પરીક્ષણમાં કુલ 169 વોટ મળ્યા છે. આ પહેલા સત્રની શરૂઆત થવાની સાથે જ બીજેપીના ધારાસભ્યોએ એમ કહીને હંગામો કર્યો કે અધિવેશન નિયમો વિરુદ્ધ બોલાવવામાં આવ્યું છે.
ઉદ્ધવ સરકારની આજે પહેલી પરીક્ષા
વિધાનસભામાં આજે ફલોર ટેસ્ટ
ડેપ્યુટી સીએમ પદ પર પહોંચ્યો દાવો
બહુમત પરીક્ષણની પ્રક્રિયા પૂર્ણ- 169 વોટ મળ્યા
ઉદ્ધવ ઠાકરે સરકારને બહુમતી પરીક્ષણમાં કુલ 169 વોટ મળ્યા છે. જ્યારે વિપક્ષમાં એકપણ વોટ પડ્યો નથી. તથા વોટિંગ દરમિયાન કુલ 4 ધારાસભ્યો તટસ્થ રહ્યા.
મહારાષ્ટ્ર વિધનાસભામાં બહુમત પરીક્ષાણની પ્રક્રિયામાં સભ્યોની ગણતરી કરવામાં આવી હતી. એક એક કરીને તમામ સભ્યોએ વિશ્વાસ પ્રસ્તાવનું સમર્થન કર્યુ હતું.
ગૃહમાં ગણતરીની પ્રક્રિયા શરૂ
એકનાથ શિંદેની સાથે ગણતરીની પ્રક્રિયા શરૂ થઇ. નામની સાથે ધારાસભ્યો પોતાનો નંબર બતાવી રહ્યા છે.
ફ્લોર ટેસ્ટમાં હેડ કાઉન્ટ ચાલુ, બીજેપીનું વોકઆઉટ
ધારાસભ્યોને હા અથવા નામાં જવાબ આપવા કહેવાયું. સદસ્યોની ગણતરી કરવામાં આવી રહી છે. બીજેપીએ વોક આઉટ કર્યું. ઉદ્ધવ ઠાકરે સરકારની બહુમતી પરીક્ષણ વચ્ચે બીજેપીના સદસ્યોએ વોક આઉટ કર્યું છે. બહાર આવીને બીજેપીના ધારાસભ્યોએ નારેબાજી કરી. તેમનું કહેવું છે કે આ તમામ ખોટી રીતે થઇ રહ્યું છે.
ઉદ્ધવ ઠાકરેનો ફ્લોર ટેસ્ટ શરૂ
એક એક કરીને તમામ સદસ્યો વિશ્વાસ પ્રસ્તાવ પર પોતાનો વિશ્વાસ વ્યક્ત કરી રહ્યા છે અને પોતાની સહમતિ આપી રહ્યા છે. હેડ કાઉન્ટથી ફ્લોર ટેસ્ટ થઇ રહ્યું છે.
ગૃહમાં હંગામો
મહારાષ્ટ્રમાં ઉદ્ધવ ઠાકરેની સરકારનું વિધાનસભામાં બહુમત પરીક્ષણ થોડીક જ વારમાં થવાનું છે. આ પહેલા સત્રની શરૂઆત થવાની સાથે જ બીજેપીના ધારાસભ્યોએ એમ કહીને હંગામો કર્યો કે અધિવેશન નિયમો વિરુદ્ધ બોલાવવામાં આવ્યું છે. બીજેપીની નેતા દેવેન્દ્ર ફડણવીસે કહ્યું કે આ અધિવેશન નિયમો અને બંધારણના વિરુદ્ધ બોલાવાયું છે. તેઓએ કહ્યું કે આ ગૃહ વંદે માતરમની સાથે શરૂ થવું જોઇતું હતું. પરંતુ એમ ન થયું.
મહત્વપૂર્ણ છે કે ગૃહમાં હંગામો થઇ રહ્યો છે. વિપક્ષ દ્વારા નારેબાજી કરવામાં આવી રહી છે. ગૃહમાં નારા લગાવાઇ રહ્યા છે કે, 'દાદાગીરી નહીં ચલેગી.. નહીં ચલેગી'.
વિધાનસભાની કાર્યવાહીમાં બીજેપી ધારાસભ્યોએ હોબાળો કર્યો છે. ઉદ્ધવ ઠાકરે અને ફડણવીસ એકમેકને ગળે મળી રહ્યા છે. પ્રોટેમ સ્પીકરે કહ્યું કે વિપક્ષના હંગામાની સાથે સદનની કાર્યવાહી ચાલુ રાખવામાં આવે.
આજે શનિવારે મહારાષ્ટ્રના મુખ્યમંત્રી તરીકે શપથગ્રહણ કર્યા બાદ વિધાનસભામાં ઉદ્ધવ ઠાકરેનો ફ્લોર ટેસ્ટ છે. જેમાં 170થી વધુ ધારાસભ્યોનું સમર્થન હોવાનો દાવો કરાયો છે.
ફ્લોર ટેસ્ટને લઈને કોંગ્રેસે જાહેર કર્યું વ્હીપ
કોંગ્રેસ પાર્ટીએ ધારાસભ્યોને માટે ત્રણઇ લાઈન વ્હીપ જાહેર કર્યું છે. તેમાં આજે થનારા ફ્લોર ટેસ્ટને સમયે અનેક ધારાસભ્યોને વિધાનસભામાં હાજર રહેવા કહેવામાં આવ્યું છે.
Congress issues three line whip to its MLAs directing them to remain present in the Assembly ahead of floor test, today. #Maharashtrapic.twitter.com/dn8VzeIBMO
મલ્લિકાર્જુન ખડગે પણ પહોંચ્યા વિધાનસભા
મહારાષ્ટ્રમાં ફ્લોર ટેસ્ટ પહેલાં કોંગ્રેસના વરિષ્ઠ નેતા મલ્લિકાર્જુન ખડગે, સુપ્રિયા સુલે, પ્રિયંકા ચતુર્વેદી હાજર રહ્યા છે.
NCPએ શિવસેનાના સમર્થનમાં વ્હીપ જાહેર કર્યુ
NCPએ કહ્યું હતું કે અમે ફ્લોર ટેસ્ટ માટે તૈયાર છીએ અને તમામ ધારાસભ્યોને શિવસેનાના સમર્થનમાં વ્હીપ પણ જાહેર કરી દેવાયું છે. NCPના નવાબ મલિકે કહ્યું કે અમને ભાજપનો ડર નથી અને હવે તેઓ બેચેન થઈ ગયા છે. જ્યારે પ્રફુલ્લ પટેલે કહ્યું કે ડે.સીએમનું પદ NCP પાસે જ રહેશે. બીજી બાજુ શિવસેનાને NCP અને કોંગ્રેસ સિવાય અન્ય નાના પક્ષો તરફથી સમર્થન હોવાનો દાવો કરાયો છે.
ફ્લોર ટેસ્ટ પહેલા નવાબ મલિકનું ટ્વિટ
ફ્લોર ટેસ્ટ અગાઉ NCP નેતા નવાબ મલિકે ટ્વિટર પર એક શાયરી શૅર કરી હતી. તેમણે લખ્યું હતું કે અમે ઈચ્છીએ ત્યારે દૌરને બદલી નાંખ્યો છે અને જે ઈચ્છીશું તે દૌરને બદલી નાંખીશું.
શિવાજી મહારાજની મૂર્તિને માળા પહેરાવી
ફ્લોર ટેસ્ટ માટે મહારાષ્ટ્રના મુખ્યમંત્રી ઉદ્ધવ ઠાકરે વિધાનસભા પહોંચ્યા હતાં. સૌથી પહેલાં તેઓ શિવાજીની મૂર્તિ પાસે પહોંચ્યા હતા અને પ્રવેશ કરતા પહેલા તેમણે મૂર્તિને માળા પહેરાવી હતી.
ઉદ્ધવ સરકારની પાસે દાવા પ્રમાણે 171 ધારાસભ્યોનું સમર્થન છે. ફ્લોર ટેસ્ટ પહેલાં આ દાવો કરાયો હતો.