હેલીકોપ્ટર અરબપતિ બિઝનેસમેન અંબાણી અને અદાણી જેવા પાસે હોય છે. પરંતુ મહારાષ્ટ્રના ભિવંડીમાં એક ખેડૂતે દુધ વેચવા માટે હેલીકોપ્ટર ખરીદ્યું છે.
દૂધના બિઝનેસ માટે 30 કરોડ રૂપિયામાં હેલીકોપ્ટર ખરીદ્યું
ટાઇમ બચાવવા માટે આ હેલીકોપ્ટર ખરીદવામાં આવ્યું
15 માર્ચે થશે હેલીકોપ્ટરની ડિલીવરી
ભિવંડીના એક ખેડૂત જનાર્દન ભોઈર હમણાથી પોતાના વિસ્તારમાં ખૂબ ચર્ચામાં છે, કારણ કે તેમણે હેલીકોપ્ટર ખરીદી લીધું છે. એક ખેડૂતની પાસે હેલીકોપ્ટર સાંભળીને વિશ્વાસ આવવો મુશ્કેલ છે, પરંતુ આ સત્ય છે.
ડેરી બિઝનેસ માટે ખરીદ્યું હેલીકોપ્ટર
ખેડૂત અને વેપારી જનાર્દન ભોઈરે દૂધના બિઝનેસ માટે 30 કરોડ રૂપિયામાં આ હેલીકોપ્ટરને ખરીદ્યું છે. તેમનું કહેવું છે કે, તેમના બિઝનેસને લઇને દેશના અનેક રાજ્યોમાં અને વિદેશ પણ જવું પડે છે. જેમાં તેમનો બહુ જ સમય બરબાદ થાય છે, ટાઇમ બચાવવા માટે આ હેલીકોપ્ટર ખરીદવામાં આવ્યું છે.
ટ્રાયલ માટે આવેલા હેલીકોપ્ટરમાં જનાર્દન ભોઈરે ગામના કેટલાક લોકોને બેસાડીને ફેરવ્યા
રવિવારે જનાર્દન ભોઈરના ગામમાં ટ્રાયલ માટે હેલીકોપ્ટર લાવવામાં આવ્યું હતું. જેમાં તેમણે પોતાની સાથે ગામના કેટલાક લોકોને બેસાડીને ફેરવ્યા હતા. આ હેલીકોપ્ટરને પહોંચતુ જોવા માટે મોટી સંખ્યામાં લોકો ઉમટી પડ્યા હતા. બધા એમાં બેસવા ઇચ્છતા હતા, જનાર્દનભાઇએ કહ્યું કે તમામને આમાં બેસાડીશ, બસ ડિલીવરી થઇ જવા દો.
'મહિનામાં 15 દિવસ ડેરીના બિઝનેસથી બહાર જવું પડે છે'
ભોઈર અંગે જણાવવામાં આવે છે કે તેમની પોતાની પાસે અંદાજિત 100 કરોડ રૂપિયાથી વધુની પ્રોપર્ટી છે. તેમણએ આ સંપત્તિ ખેતી અને દૂધ સિવાય તેમનો રિયલ એસ્ટેટનો બિઝનેસ છે. જેને લઇને તેઓ પ્રવાસમાં રહે છે. જનાર્દનનું કહેવું છે કે, મહિનામાં 15 દિવસ તેઓ ડેરીના બિઝનેસ માટે ગુજરાત, પંજાબ, હરિયાણા અને રાજસ્થાન જેવા વિસ્તારોમાં જવું પડે છે.
15 માર્ચે થશે હેલીકોપ્ટરની ડિલીવરી
વેપારી જનાર્દને પોતાના ઘરની પાસે 2.5 એકર જમીન પર હેલીપેડનું નિર્માણ પણ કરાવ્યું છે. આ જગ્યા પર તેમણે પાયલોટનો રૂમ અને ટેક્નીશિયન રૂમ બનાવ્યા છે. જણાવી દઇએ કે, 15 માર્ચે વિદેશથી તેમની પાસે હેલિકોપ્ટરની ડિલીવરી થવાની છે.
ભિવંડીના લોકો નવાબની જેમ રહે છે અને શોખ પણ ઉંચા
જણાવી દઇએ કે ભિવંડી વિસ્તારમાં જનાર્દન ભોઈર રહે છે, જ્યાં મોટી કંપનીઓના ગોડાઉન છે. જ્યાં ખેડૂતોને વધુ ભાવમાં ભાડું મળે છે. આ વિસ્તારના લોકોની પાસે લગ્ઝર કાર અને મોટા મોટા મહેલ જેવા મકાન બનાવેલા છે. એટલું જ નહીં અમેરિકાના રાષ્ટ્રપતિના કાફલામાં ચાલતી કૈડિલૈક કાર પણ પહેલીવાર મુંબઈમાં નહીં, પરંતુ ભિવંડી વિસ્તારમાં ખરીદવામાં આવી હતી. અહીંના લોકો જે નવાબીથી રહે છે તે જાણીને મોટા મોટા બિઝનેસમેન પણ ચોંકી ઉઠે છે.