દેશમાં કોરોનાનો કહેર યથાવત જોવા મળી રહ્યો છે. ત્યારે દેશમાં સૌથી વધારે કોરોનાના કેસો એકલા મહારાષ્ટ્રમાં સામે આવી રહ્યાં છે. જો કે મહારાષ્ટ્રમાં કોરોનાના સૌથી વધારે કેસની સામે રાજ્ય સરકાર દ્વારા મુંબઇમાં આગામી 15 દિવસની અંદર દેશની સૌ પ્રથમ મોટી હોસ્પિટલ બનાવી છે જેમાં 1,000 બેડની સુવિધા હશે, જ્યારે 200 બેડ ICU માં સામેલ હશે.
રાજ્યના મુખ્યમંત્રી ઉદ્ધવ ઠાકરેએ આ અંગે જાણકારી આપતા ગઇકાલે કહ્યું હતું કે બાંદ્રા કુર્લા કોમ્પલેક્સમાં MMRD દ્વારા આગામી 15 દિવસની અંદર દેશનું પ્રથમ ખુલ્લી હોસ્પિટલ બનાવામાં આવી છે. ઉદ્ધવ ઠાકરેએ કહ્યું કે 1,000 બેડની આ જમ્બો સુવિધામાં 200 બેડનો ICU સામેલ છે.
આ હોસ્પિટલમાં ઓછામાં ઓછી 100 બેડ અને 20 ICU બેડવાળા હોસ્પિટલની સેવાઓ અપેક્ષિત છે. ઉદ્ધવ ઠાકરેએ કહ્યું કે એમ્બ્યુલન્સની સેવા 100 થી વધારીને 450 કરી દેવામાં આવી છે. મુંબઇ નગરપાલિકા (BMC) દરરોજ 7 લાખ ખાદ્ય પેકેટનું વિતરણ કરી રહી છે અને મુંબઇમાં 360 ફિવર ક્લિનિક છે.
Jumbo facilities created in Mumbai for treating COVID patients;
The first open hospital in the Country has been created in a fortnight by the @MMRDAOfficial at the BKC. This 1,000 bed jumbo facility includes a 200 bed ICU. pic.twitter.com/Xo2Eq6gZGf
મહારાષ્ટ્રમાં કોવિડ-19ની સંખ્યા 50,000 અને એકલા મુંબઇમાં 31,000 ઉપર આંકડો જોવા મળ્યો છે. મહારાષ્ટ્રના મુખ્યમંત્રી ઉદ્ધવ ઠાકરેએ સોમવારની સાંજે જણાવ્યું કે કોવિડ-19 દર્દીઓના ઇલાજ માટે મુંબઇમાં એક જોડી જંબો સુવિધા બનાવામાં આવી છે.
દેશમાં કોરોનાના કેસોની સંખ્યામાં સતત વધી રહી છે. છેલ્લા 24 કલાકમાં 6535 નવા કેસો સામે આવ્યાં છે અને 146 લોકોના મોત થયા છે. અત્યારે દેશમાં 80,000થી વધારે એક્ટિવ કેસ છે. મહારાષ્ટ્રમાં સંક્રમિતોનો આંકડો 52,667 જેમાં 1695ના મોત થયા છે.