મહારાષ્ટ્રમાં કોરોના વાયરસનો કહેર થમવાનું નામ લઇ રહ્યો નથી. છેલ્લા 24 કલાકમાં કોરોના વાયરસના 2091 નવા કેસ સામે આવ્યા છે. આ દરમિયાન રેકોર્ડ 97 લોકોના મોત થયા છે, જે અત્યાર સુધીમાં એક દિવસમાં સૌથી વધારે છે.
મહારાષ્ટ્રમાં 24 કલાકમાં કોરોના વાયરસના 2091 નવા કેસ સામે આવ્યા
મહારાષ્ટ્રમાં અત્યાર સુધીમાં એક દિવસમાં રેકોર્ડ 97 લોકોના મોત થયા
રાજ્યમાં કોરોના વાયરસના કુલ 54,758 કેસ નોંધાયા છે અને 1792 લોકોના મોત થાય છે. મુંબઇની વાત કરવામાં આવે તો અહીં ગત 24 કલાકમાં કોરોના વાયરસના 1002 નવા કેસ સામે આવ્યા અને 39 લોકોના મોત થયા. મુંબઇમાં કોરોના વાયરસના કુલ 32,974 કેસ નોંધાયા છે અને 1065 લોકોના મોત થયા છે.
રાજ્યમાં કોરોના વાયરસના 36 હજારથી વધારે એક્ટિવ કેસ છે. જ્યારે 16,954 દર્દીઓ સારવાર બાદ સ્વસ્થ થઇ ચૂક્યા છે. ગત 24 કલાકમાં 1168 દર્દીઓ સ્વસ્થ થયા છે. મહારાષ્ટ્રમાં અત્યાર સુધીમાં 3,90,170 ટેસ્ટ થયા છે. તેમાંથી 54,758 પોઝિટિવ કેસ સામે આવ્યા છે. સોમવારે મહારાષ્ટ્રમાં કોરોના વાયરસના 2436 નવા કેસ સામે આવ્યા, જ્યારે 60 સંક્રમિતોના મોત થયા હતા. તેમાંથી 38 દર્દીઓના મોત મુંબઇમાં થયા છે.
આ ઉપરાંત મહારાષ્ટ્ર પોલીસમાં પણ સંક્રમણ ઝડપથી વધી રહ્યું છે. ગત 24 કલાકમાં 90 પોલીસ કર્મચારીઓ પોઝિટિવ આવ્યા છે. અત્યાર સુધીમાં 1889 પોલીસ કર્મચારીઓમાં કોરોના વાયરસની પુષ્ટી થઇ ચૂકી છે, જેમાંથી 207 પોલીસ ઓફિસર અને 1682 પોલીસ કર્મચારીઓ છે. જ્યારે છેલ્લા 24 કલાકમાં કોરોના વાયરસની ઝપેટમાં આવવાથી 2 પોલીસ કર્મચારીનું મૃત્યુ થયું છે.