મહારાષ્ટ્રમાં કોરોના વાયરસનો કહેર થમવાનું નામ લઇ રહ્યો નથી. અહીં રોજ કોરોના વાયરસના કેસ વધતા જઇ રહ્યા છે. ગત 24 કલાકમાં મહારાષ્ટ્રમાં 2250 નવા કેસ સામે આવ્યા છે. આ દરમિયાન 65 લોકોના મોત થયા છે. તેની સાથે મહારાષ્ટ્રમાં કોરોના વાયરસના કુલ 39,297 કેસ સામે આવ્યા છે, જ્યારે 1390 લોકોના મોત થઇ ચૂક્યા છે.
મહારાષ્ટ્રમાં 24 કલાકમાં મહારાષ્ટ્રમાં 2250 નવા કેસ સામે આવ્યા છે
મહારાષ્ટ્રમાં કોરોના વાયરસના કુલ 39,297 કેસ સામે આવ્યા, જ્યારે 1390 લોકોના મોત થયા
કોરોના વાયરસથી સૌથી વધારે પ્રભાવિત મહારાષ્ટ્રની રાજધાની મુંબઇ બન્યું છે. મુંબઇમાં છેલ્લા 24 કલાકમાં 1372 નવા કેસ સામે આવ્યા છે અને આ દરમિયાન 41 લોકોના મોત થયા છે. દેશની આર્થિક રાજધાની મુંબઇમાં કોરોના વાયરસના કુલ 24,118 કેસ છે. જ્યારે અત્યાર સુધીમાં કુલ 841 લોકોના મોત થઇ ચૂક્યા છે.
આ પહેલા મંગળવારે મહારાષ્ટ્રમાં 2,127 નવા કેસ સામે આવ્યા હતા અને 76 લોકોના મોત થયા હતા. જ્યારે મુંબઇમાં 1411 નવા કેસ સામે આવ્યા હતા અને 43 લોકોના મોત થયા હતા.
દેશમાં કોરોના વાયરસના કેસમાં સતત વધારો થઇ રહ્યો છે. દેશમાં અત્યાર સુધીમાં કોરોના વાયરસના કેસ વધીને કુલ 10,6750 થઇ ચૂક્યા છે. જ્યારે અત્યાર સુધીમાં કુલ 3303 લોકોના મોત થયા છે. જ્યારે કુલ 42,298 લોકો બીમારીથી સાજા થયા છે.