મહારાષ્ટ્ર / માસૂમ બાળકો પર હાવી થયો કોરોના વાયરસ, અહીં 43 દિવસમાં આવ્યા 76 હજારથી વધુ કેસ, મચ્યો હાહાકાર

• મહારાષ્ટ્રમાં કોરોનાનો કહેર
• માસૂમ બાળકો પર હાવી થયો કોરોના વાયરસ
• 43 દિવસમાં 10 વર્ષથી નાની ઉંમરના 76401 બાળકો થયા સંક્રમિત
   

દેશમાં કોરોના વાયરસની બીજી લહેરથી સૌથી વધારે અસર મહારાષ્ટ્રમાં જોવા મળી રહી છે. અહીં માસૂમ બાળકો પણ કોરોનાથી પ્રભાવિત થઈ રહ્યા છે. છેલ્લા 43 દિવસમાં અહીં 10 વર્ષથી નાની ઉંમરના 76401 બાળકો સંક્રમિત થયા છે. 2021માં જાન્યુઆરીથી 12 મે સુધી 10 વર્ષથી નાના 1,06,222 બાળકો સંક્રમિત થયા છે. બાળકો પર આ મહામારીના પ્રકોપને ધ્યાનમાં રાખીને હોસ્પિટલોમાં બાળકોને માટે આઈસીયૂ બનાવવામાં આવી રહ્યા છે. ગયા વર્ષે કુલ 67110 બાળકો સંક્રમિત થયા હતા. એક્સપર્ટનું માનવું છે કે ત્રીજી લહેર બાળકોને અસર કરશે. મહારાષ્ટ્ર આ માટે પહેલાથી તૈયારી કરી રહ્યું છે. અહીં ડોક્ટર્સનું કહેવું છે કે લગભગ 70 ટકા બાળકોના રિપોર્ટ નેગેટિવ છે પણ એન્ટીબોડી પોઝિટિવ છે તેમની ગંભીર સ્થિતિમાં હોસ્પિટલ પહોંચાડવામાં આવ્યા છે. 
 

આઠ મહિનાનું બાળક બન્યું સંક્રમણનો શિકાર
આઠ મહિનાનો મુસ્તફા છેલ્લા 8 દિવસથી બીમાર છે. મુંબઈની હોસ્પિટલમાં તેની સારવાર ચાલુ છે, થોડા દિવસ તે વેન્ટિલેટર પર રહ્યો અને પછી તેને મલ્ટીસિસ્ટમ ઈન્ફ્લેમ્ટ્રી સિન્ડ્રોમ નામની બીમારી આવી. તે કોરોના સંક્રમણના થોડા સમય બાદ આવે છે. તે તેની સામે લડી શક્યો. તેની સ્થિતિ હાલમાં સારી છે. બાળકનો રેસ્પિરેટરી રેટ 30-40 હોવો જોઈએ તે 70-80 થયો છે. સેચ્યુરેશન લગભગ 80 ટકા રહ્યું છે. બાળકને હોસ્પિટલ લાવતા જ વેન્ટિલેટર પર રખાયું અને સ્ટીરોઈડનો ડોઝ અપાયો. બાળકની સ્થિતિ તરત જ સુધરવા લાગી હતી.  
 

महाराष्ट्र में पिछले 24 घंटों में 39,923 नए #COVID19 मामले, 53,249 डिस्चार्ज और 695 मौतें दर्ज़ की गई।

कुल मामले 53,09,215
कुल रिकवरी 47,07,980
मृत्यु 79,552
सक्रिय मामले 5,19,254 pic.twitter.com/4SpdqpL1gP

— ANI_HindiNews (@AHindinews) May 14, 2021

બાળકોમાં જોવા મળે છે આ ખાસ ફરિયાદ
જાણીતા ડોક્ટરનું કહેવું છે કે આ પ્રકારના બાળકોની સંખ્યા વધી છે. 60-70 ટકા બાળકો તાવ સાથે આવે છે. આ સિવાય ડાયરિયા, ઇચિંગ, સ્કીન પર પેચ, આ ફરિયાદ જોવા મળે છે. 60-70 ટકા બાળકોના કોવિડ એન્ટીબોડી પોઝિટિવ આવી રહ્યા છે. તેમાં અલગ અલગ સ્ટેજ હોય છે. એકમાં માઈલ્ડ ફીવર, બીજા સ્ટેજમાં હાઈ ફિવર, હાઈ ઇન્ફ્લેમેટ્રા સાઈન અને ત્રીજી કેટગરીમાં બાળકો ખરાબ કંડિશન હાઈ શોક સાથે આવે છે. એવામાં બીપી ઘટે છે અને તપાસ અને સારવાર મળી ન રહેવાથી ખતરો વધે છે. હાઈ સ્ટીરોઈડ આપવાની સાથે વેન્ટિલેટર સપોર્ટ આપવો પડે છે. 

 નવજાત બાળકો માટે બની રહ્યા છે ICU
મહારાષ્ટ્રની એક હોસ્પિટલમાં નવજાત બાળકો માટે આઈસીયૂ તૈયાર કરાયા છે. એક્સપર્ટનું માનવું છે કે નાના બાળકો પોતાની તકલીફ કહી શકતા નથી આ માટે કોરોના રિપોર્ટ અને તપાસ પર નહીં પણ બાળકમાં દેખાતા સામાન્ય લક્ષણને લઈને સાવધાન રહેવાની જરૂર છે.