ફિલ્મ મેકર કરન જોહરને નાર્કોટિક્સ કંટ્રોલ બ્યૂરોએ નોટિસ મોકલી હતી જેમાં 2019માં થયેલી પાર્ટી વિષે જાણકારી માંગવામાં આવી છે. આરોપ છે કે તે પાર્ટીમાં ડ્રગ્સનો ઉપયોગ કરવામાં આવ્યો હતો. આ મુદ્દે મહારાષ્ટ્ર કોંગ્રેસે મોટો સવાલ ઉઠાવ્યો હતો.
મહારાષ્ટ્ર કોંગ્રેસે ઉઠાવ્યા સવાલ
કરનને નોટિસ તો કંગનાને કેમ નહી
કંગનાએ વીડિયોમાં ડ્રગ્સ લેવાની વાત સ્વીકારી હતી
સચિન સાવંતે ઉઠાવ્યા સવાલ
કોંગ્રેસના નેતા સચિન સાવંતે સવાલ ઉઠાવ્યા કે એક તરફ એનસીબી કરન જોહરને નોટિસ મોકલી રહી છે ત કંગના રનૌતને શા કારણથી પૂછપરછ માટે નથી બોલાવી રહી. એક વીડિયોમાં તેણે જાતે જ કબુલ્યુ હતુ કે તેણે ડ્રગ્સનું સેવન કર્યુ છે. તો આ વિશે કંગનાને હજુ સુધી કેમ પૂછવામાં આવ્યું નથી.
ફડણવીસ સરકાર પર પણ સવાલ
કંગના રનૌત સિવાય સચિન સાવંતે કહ્યું કે મહારાષ્ટ્રમાં 2019માં દેવેન્દ્ર ફડણવીસની સરકાર હતી તો તે વીડિયોની તપાસ ત્યારે કેમ ન કરવામાં આવી. ફડણવીસ પોતે જ ગૃહવિભાગ પણ સંભાળી રહ્યાં હતા, ત્યારે આ વીડિયો પર કોઇ કાર્યવાહી કેમ ન થઇ.
મહારાષ્ટ્ર સરકારની બદનામી
સાવંતે સવાલ ઉઠાવતા કહ્યું તે એનસીબી તે મુદ્દાની તપાસ કરી રહી છે જેને સુશાંત સિંહ રાજપૂત સાથે કોઇ લેવા દેવા જ નથી. આ કાર્યવાહીઓ મહારાષ્ટ્ર સરકારને બદનામ કરવા માટે કરવામાં આવી રહી છે.
ઉદ્વવ સરકારે કર્યો કંગનાનો સપોર્ટ
મુંબઇ હાઇકોર્ટમાં બોલિવૂડ એક્ટ્રેસ કંગના રનૌતના ટ્વિટર અકાઉન્ટને સ્થાયીરૂપે બંધ કરી દેવાની પેટીશન દાખલ કરવામાં આવી હતી. મહારાષ્ટ્ર સરકારે આ વાતનો વિરોધ કર્યો છે.
આ હતો આરોપ
અરજી કરનાર વ્યક્તિએ અરજીમાં લખ્યું હતું કે, કંગના પોતાના ટ્વિટર માધ્યમથી દેશમાં નફરત ફેલાવી રહી છે. તેને રોકવા માટે તેનું ટ્વિટર અકાઉન્ટ સસપેન્ડ કરી દેવામાં આવવું જોઇએ અથવા તો સ્થાયીરૂપે બંધ કરી દેવામાં આવવું જોઇએ.