મહારાષ્ટ્ર / ફલોર ટેસ્ટ પહેલા કોંગ્રેસે આ પદની માંગણી કરતા શિવસેના-NCP ચોંકી ઉઠ્યું

• ઉદ્ધવ સરકારની આજે પહેલી પરીક્ષા
• કોંગ્રેસે ડે. સીએમ પદની કરી માગ

જો કે NCP દ્વારા સ્પષ્ટ ઇન્કાર કરવામાં આવ્યો હોવાની જાણકારી મળી રહી છે. કોંગ્રેસ ઇચ્છી રહી છે કે રાજ્યમાં રાષ્ટ્રવાદી કોંગ્રેસ પાર્ટી (NCP) સિવાય તેમની પાર્ટીમાંથી પણ ઉપ મુખ્યમંત્રી બને.

જ્યારે બુહમત પરીક્ષણ પહેલા આજરોજ વિધાનભવમાં શિવસેના-કોંગ્રેસ અને NCP ધારાસભ્યોની બેઠક હશે. જેમાં સ્પીકર પદની ચર્ચા કરવામાં આવશે. જો કે આજરોજ રાજ્યમાં ઉદ્ધવ ઠાકરેનો ફલોર ટેસ્ટ થશે. 

જ્યારે સ્પીકર પદને લઇને કોંગ્રેસ-NCP બંને પાર્ટીઓ સ્પીકર પદ છોડવા માગતી નથી. કોંગ્રેસે NCP ને સામે સ્પીકર પદ છોડવા બદલ ડે. સીએમ પદનો પ્રસ્તાવ રાખ્યો છે. જો કે NCP આ પ્રસ્તાવ પર રાજી નથી. 

મહારાષ્ટ્રમાં આજે ઉદ્ધવ ઠાકરેની આગેવાનીવાળી સરકાર વિધાનસભામાં બહુમતી સાબિત કરશે. 288 સભ્યોના ગૃહમાં શિવસેના પાસે 56 ધારાસભ્યો છે, NCP ના 54 અને કોંગ્રેસ પાસે 44 ધારાસભ્યો છે. આમ ગઠબંધનને કુલ 154 ધારાસભ્યોનું સમર્થન છે, જ્યારે જાદુઈ આંકડો 145 છે. આ સાથે જ મંત્રાલયની વહેંચણી અને મંત્રીઓના નામ પર ચર્ચા થશે.