મહારાષ્ટ્રના કોલ્હાપુર સ્થિત 4 વર્ષ જૂની એક બાયો-સાયન્સ કંપની કોરોના વાયરસ સંક્રમણના ઇલાજ માટે કારગર દવાનું ટેસ્ટિંગ કરી રહી છે.
ઘોડાની એન્ટીબોડીમાંથી બનશે કોરોનાની દવા
72 કલાકમાં RTPCR રિપોર્ટ આવશે નેગેટીવ
ઓગસ્ટના અંત સુધી પરિક્ષણ થઇ જશે સમાપ્ત
આ દવા જો ટેસ્ટમાં પાસ થઇ જાય છે તો કોવિડના સામાન્ય લક્ષણોવાળા દર્દીઓના ઇલાજ માટે આ ભારતની પહેલી સ્વદેશી વિકસિત દવા હશે. જેનો ઉપયોગ કોરોના વાયરસ સંક્રમણને રોકવા કરવામાં આવશે.
શરૂઆતી પરીક્ષણમાં દવાએ પોઝીટીવ રિઝલ્ટ આપ્યું છે. આ દવાના ઉપયોગથી 72 થી 90 કલાકમાં કોરોના સંક્રમણ દર્દીનો RTPCR ટેસ્ટ નેગેટિવ આવી રહ્યો છે. એક રિપોર્ટ અનુસાર કંપનીના અધિકારીઓએ આ વાતની જાણકારી આપી છે. હ્યુમન ટ્રાયલનું પહેલું ચરણ ચાલી રહ્યું છે અને ઓગસ્ટના અંત સુધી ટ્રાયલ પતે તેવું લાગી રહ્યું છે.
આઇસેરા બાયોલોજીકલ ફક્ત 4 વર્ષ જુની કંપની છે અને અત્યાર સુધી એન્ટીસીરમ પ્રોડક્ટનું ઉત્પાદન કરી રહી છે. જેમ કે સાપ કરડે, શ્વાન કરડે કે ડિપ્થીરીયાના ઇલાજ માટેની દવાઓ બનાવી રહી છે. આ કંપનીને સીરમ ઇન્સ્ટિટ્યુટ ઓફ ઇન્ડિયા તરફથી પણ મદદ મળતી રહે છે. આ કંપનીએ કોવિડ એન્ટીબોડીઝનો એક કારગર કોકટેલ તૈયાર કર્યો છે અને તેના ઉપયોગથી કોવિડના સામાન્ય લક્ષણવાળા લોકોમાં સંક્રમણ રોકી શકાય છે.
આઇસેરોના ડાયરેક્ટરે કહ્યું કે, કોકટેલ દવામાં વિશિષ્ટ કોવિડ 19 ન્યૂટ્રલાઇઝીંગ એન્ટીબોડી સામેલ છે જેને બાહરી રસાયણોને હટાવીને શુદ્ધ કરવામાં આવ્યું છે. કોરોના વાયરસમાંથી નીકળતા ખાસ એન્ટીજન ઘોડામાં ઇન્જેક્ટ કરીને એન્ટીબોડીને વિકસિત કરવામાં આવી છે. કંપની યોગ્ય એન્ટીજન સિલેક્ટ કરે તે માટે સિરમ ઇન્સ્ટિટ્યુટે તેની મદદ કરી છે.
વધુમાં તેમણે કહ્યું કે, ઘોડામાં કંઇક ખાસ પ્રકારના એન્ટીજન આપવામાં આવ્યા હતા જેથી તે એન્ટીબોડી પેદા કરી શકે. આ એન્ટીબોડી તેવા જ છે જેવા કોરોના સંક્રમણ બાદ માણસના શરીરમાં હોય છે. ઘોડામાંથી એન્ટીબોડી લઇને તેને શુદ્ધ કરવા માટે ઉચ્ચ ગુણવત્તાની પ્રક્રિયામાંથી પસાર કરવામાં આવ્યા જેથી તે 95% શુદ્ધ થઇ જાય.
તમને જણાવી દઇએ કે આ ખાસ પ્રકારની એન્ટીબોડી ઇન્જેક્ટટ કરવાની પ્રક્રિયાને પહેલા પણ અજમાવવામાં આવી ચૂકી છે. જેમ કે પ્લાઝમા થેરાપી. આ થેરાપીને એકવાર કોરોના દર્દીઓ માટે વરદાન માનવામાં આવ્યું હતુ પરંતુ તેના પરિણામ મિશ્ર મળ્યા હતા. પ્લાઝમા થેરાપીમાં એક મહત્વપૂર્ણ અંતર છે કારણકે કોરોનાથી સાજા થયેલા દર્દીઓનું બ્લડ પ્લાઝમા અલગ અલગ વ્યક્તિઓના હિસાબથી અલગ હોય છે.