Aryan Khan Case / ચપટી ગાંજો સૂંઘી સેલેબ્રિટીને પકડીને ઢોલ વગાડો છો, મેં તો સાંભળ્યું છે ગુજરાતમાં...: ઉદ્ધવ ઠાકરે

ક્રૂઝ પર ડ્રગ્સ પાર્ટીના મામલે બોલીવુડ સેલિબ્રિટી શાહરુખ ખાનના પુત્ર આર્યન ખાનની ધરપકડ કરવામાં આવી છે જેના મામલે રાજકીય રંગ પકડતા મામલો હવે આક્ષેપ પ્રતિ આક્ષેપમાં બદલાયો છે. 

મહારાષ્ટ્રના મુખ્યમંત્રી ઉદ્ધવ ઠાકરેએ નિવેદન આપ્યુ હતું કે સેલિબ્રિટીને ચપટી ગાંજા સૂંઘવા માટે ધરપકડ કરીને ઢોલ વગાડો છો તો ગુજરાતમાં તો જંગી માત્રામાં ડ્રગ્સ મળે છે. 

મહારાષ્ટ્ર સહિત દેશભરમાં અત્યારે NCB દ્વારા ડ્રગ્સ વિરુદ્ધ કડક કાર્યવાહી કરવામાં આવી રહી છે એવામાં મહારાષ્ટ્રના મુખ્યમંત્રી ઉદ્ધવ ઠાકરેએ આ કાર્યવાહી સામે પણ સવાલ ઉઠાવ્યા છે. એક તરફ અત્યારે   બોલિવૂડ અભિનેતા શાહરુખ ખાનનો દીકરો ખૂબ ગંભીર આરોપો હેઠળ જેલના સળિયા ગણી રહ્યો છે ત્યારે રાજ્યના મુખ્યમંત્રીએ આડકતરી રીતે તેનો બચાવ કરવા પ્રયત્ન કર્યા છે અને ગુજરાતને વચ્ચે લઈ આવ્યા છે. 

મુંદ્રા પોર્ટ પરથી કરોડો રૂપિયાનું ડ્રગ્સ મળ્યું

ઉદ્ધવ ઠાકરેએ કહ્યું કે માત્ર મ્હારાષ્ટ્રમાંથી ડ્રગ્સ મલે છે એવું નથી, મેં તો સાંભળ્યું છે કે મુંદ્રા પોર્ટ પરથી કરોડો રૂપિયાનું ડ્રગ્સ મળ્યું છે. આ મુંદ્રા પોર્ટ ક્યાં છે? ગુજરાતમાં છે ને. અહિયાં એક ચપટી ગાંજો સૂંઘી સેલિબ્રિટીને પકડીને તમે ઢોલ વગાડો છો અને ફોટો પડાવો છો, મહારાષ્ટ્ર પોલીસે તો 150 કરોડનું ડ્રગ્સ જપ્ત કર્યું છે.
આંગણે તુલસી લગાવવાની આપણી સંસ્કૃતિ

તેમણે કહ્યું હતું કે આંગણે તુલસી લગાવવાની આપણી સંસ્કૃતિ છે પણ એવું બતાવવામાં આવી રહ્યું છે કે જાણે હવે આંગણે ગાંજો લગાવવામાં આવી રહ્યો હોય. એવું નથી કે મહારાષ્ટ્રની પોલીસ કશું કરી નથી રહી. ગુજરાતમાં મુન્દ્રામાંથી પણ કરોડોનું ડ્રગ્સ મળ્યું હતું. આપણી પોલીસ કામ કરી રહી છે પણ ન્યૂઝ એવા આવી રહ્યા છે કે જામીન મળ્યા કે નહીં. 

Mumbai: Aryan Khan, Arbaz Seth Merchant and Munmun Dhamecha have been sent to NCB custody till tomorrow.

They were arrested in connection with the raid at a party at a cruise off the Mumbai coast yesterday. pic.twitter.com/12MQGPPPIo

— ANI (@ANI) October 3, 2021

શું છે સમગ્ર મામલો
NCBએ મુંબઈથી ગોવા જઈ રહેલ એક ક્રૂઝ પર રેવ પાર્ટીમાં રેડ મારી હતી જેમા એક મોટા સ્ટારનો દીકરો પાર્ટીમાં પકડાયો છે.  પાર્ટીમાં ડ્રગ્સ પણ પકડાયું છે. નોંધનીય છે કે જ્યારએ મુંબઈથી આ ક્રૂઝ ઉપડી ત્યારે જ ડ્રગ્સ પાર્ટી શરૂ થઈ ગઈ હતી અને NCBની ટીમ પહેલેથી જ ક્રૂઝ પર જ હતી. મોટી માત્રામાં ડ્રગ્સ મળ્યા બાદ ક્રૂઝને ફરીથી મુંબઈ તરફ લાવવામાં આવી. NCBએ હજુ સુધી આધિકારિક રૂપે કોઈ નામનો ખુલાસો કર્યો નથી. ક્રૂઝ પર જે લોકો પકડાયા છે તેમને મુંબઈ લાવી દેવામાં આવ્યા છે અને પૂછપરછ કરવામાં આવી રહી છે.