મહારાષ્ટ્રના મુખ્યમંત્રી ઉદ્ધવ ઠાકરેએ લોકોને લોકડાઉનથી બચવા નિયમોનું પાલન કરવાની અપીલ કરી છે.
સીએમ ઠાકરેની લોકોને કરી અપીલ
લોકડાઉનના નિયમોનું કરો કડકાઈથી પાલન
કેસો વધશે તો લોકડાઉન લાદવાનો લેવાશે નિર્ણય
સીએમ ઠાકરેએ કહ્યું કે કોઈ પણ લોકડાઉન નથી ઈચ્છતા તેથી તેનાથી બચવા માટે જે જરુરી પગલાં છે તે ઉઠાવવા જોઈએ. હું મહારાષ્ટ્રના લોકોને અપીલ કરુ છું કે તેમની પાસે એ નક્કી કરવાનો થોડો સમય છે કે તેઓ લોકડાઉન ઈચ્છે છે કે નહીં.
હોમ ક્વોરન્ટાઈના નિયમોનું પાલન ન કરનાર લોકોની સામે પોલીસ કેસ
મુંબઈમાં સતત વધી રહેલા કોરોનાના કેસોને ધ્યાનમાં બીએમસી નિયમોનું કડકાઈથી પાલન કરાવી રહી છે. નવા નિયમો અનુસાર હવે મુંબઈમાં હોમ ક્વોરન્ટાઈના નિયમોનું પાલન ન કરનાર લોકોની સામે પોલીસ કેસ દાખલ કરવામાં આવશે. તે ઉપરાંત કોઈ પણ બિલ્ડિંગમાં 5 કેસ આવવા પર નોટીસ બોર્ડ પર કોવિડ દર્દીઓના ફ્લેટની જાણકારી પણ આપવી પડશે. હોમ ક્વોરન્ટાઈનના નિયમોનું પાલન ન કરનાર લોકોને સંસ્થાગત કવોરન્ટાઈનમાં ખસેડવાનો પણ આદેશ અપાયો છે.
મુંબઈમાં પરિસ્થિતિ કાબૂમાં-બીએમસી અધિકારી
બીએમસીના વરિષ્ઠ અધિકારીઓએ જણાવ્યું કે કોરોનાના કેસોમાં વધારો થઈ રહ્યો હોવા છતાં પણ મુંબઈમાં પરિસ્થિતિ કાબૂમાં છે અને શહેરમાં લોકડાઉન લગાડવાની હાલ પૂરતી કોઈ જરુર નથી. શહેરમાં સંક્રમણનો દર 6 ટકા નોંધાયો છે. જે મહારાષ્ટ્રના બીજા શહેરોની તુલનામાં ઘણો ઓછો છે. શહેરમાં કોવિડ-19 ના કેસ કોઈ એક જગ્યા સુધી સીમિત નથી પરંતુ છુટાછવાયા છે તેથી લોકડાઉનની ખાસ કંઈ અસર નહીં થાય. આરોગ્ય મંત્રાલયે કહ્યું કે દેશમાં કોવિડ -19ના કુલ સારવાર લઈ રહેલા દર્દીઓમાં 74 ટકાથી વધારે કરેળ અને મહારાષ્ટ્રમાં છે. એ બાદ છત્તીસગઢ અને મઘ્ય પ્રદેશમાં પણ મામલા વધી રહ્યા છે. પંજાબ અને જમ્મુ કાશ્મીરમાં પણ રોજ બરોજ મામલામાં વૃદ્ધિ થવાની પ્રવૃત્તિ જોવા મળી છે. જે 18, 200થી વધી 21, 300 થઈ ગઈ છે. જ્યારે અઠવાડિયાની પુષ્ટિ દર 4.7થી વધી 8 ટકા થઈ ગઈ છે.
સંક્રમણના મામલામાં રાષ્ટ્રીય દરથી મહારાષ્ટ્ર ઘણું આગળ છે
મંત્રાલયે કહ્યું કે 5 રાજ્યો અને કેન્દ્ર શાસિત પ્રદેશોમાં સંક્રમણની સાપ્તાહિક પુષ્ટીનો દર રાષ્ટ્રીય ટકા 1.79થી વધારે છે. આ દર મહારાષ્ટ્રમાં સૌથી વધારે છે. જે 8.10 છે. કેન્દ્રએ આ તમામ રાજ્યોના 5 ઉપાયો પર ભાર દેવાની સલાહ આપી છે. જેમાં આરટી પીસીઆર તપાસ, સખત વ્યાપક નજર, જિલ્લામાં ક્લીનિકલ મેનેજમેન્ટ વગેરે સામેલ છે. મહારાષ્ટ્રમાં રવિવારે 6971 નવા કેસ આવ્યા છે. દેશમાં કુલ કેસની સંખ્યા 21 લાખને પાર થઈ ગઈ છે.