મહારાષ્ટ્રના બુલઢાણ જિલ્લામાં એક સરકારી સ્કૂલમાં યોજવામાં આવેલા ISO માનાંકન કાર્યક્રમ દરમિયાન ભાજપ અને કોંગ્રેસના કાર્યકર્તાઓ આમને સામને આવી જતા હોબાળો મચ્યો હતો.
જેમાં બંને પક્ષના કાર્યકર્તાઓ વચ્ચે છૂટ્ટા હાથની મારામારી પણ થઈ. જે બાદ સમગ્ર મામલો પોલીસ સ્ટેશન પહોંચ્યો તો કેટલાંક કાર્યકર્તાઓએ પોલીસ સ્ટેશન પર પથ્થરમારો પણ કર્યો.
પોલીસને પણ બળપ્રયોગ કરવાની જરૂર પડી અને લાઠી ચાર્જ કરતા કેટલાક કાર્યકર્તાઓ ઈજાગ્રસ્ત થયા છે. આ કાર્યક્રમમાં ચિખલીના કોંગ્રેસના ધારાસભ્યો રાહુલ બોદે અને જિલ્લા પરિષદના સભાપતિ શ્રીમતી શ્વેતા મહાલે વચ્ચે ભાષણ વચ્ચે શાબ્દિક ઝડપ થઈ.
જે બાદ બંને પક્ષના કાર્યકર્તાઓ ઉશ્કેરાતા મામલો વણસ્યો હતો અને મારા મારી થઈ. બાદમાં સમગ્ર મામલો પોલીસ સ્ટેશન પહોંચ્યો અને પોલીસે મામલો થાળે પાડવા માટે લાઠીચાર્જ પણ કર્યો.