એક્શન / મહારાષ્ટ્રમાં ફરી લોકડાઉનના ભણકારા, સ્થિતિ વધુ ગંભીર થતાં ઉદ્ધવ ઠાકરેએ બોલાવી કેબિનેટ બેઠક

• મહારાષ્ટ્રમાં કોરોનાની સ્થિતિ વણસી 
• ઠાકરે સરકારની કેબિનેટ બેઠક યોજાઇ
• લોકડાઉનને લઈને લેવાઇ શકે છે નિર્ણય

ઉલ્લેખનીય છે કે, સમગ્ર દેશમાં નોંધાઇ રહેલા કોરોનાના કેસ પૈકી 50 ટકા કેસ માત્ર મહારાષ્ટ્રના છે. જેને લઈને રાજ્યના મુખ્યપ્રધાન ચિંતિત છે. ત્યારે આજે તેમણે તાબડતોબ બેઠક બોલાવી છે. જેમાં રાજ્યમાં લોકડાઉન સહિત જરૂરી કડક નિયમો પર નિર્ણય લેવાના અણસાર આપ્યા છે. 

દેશમાં કોરોના વાયરસના 93,249 નવા કેસ 

દેશમાં કોરોના વાયરસના 93,249 નવા કેસ નોંધાયા છે. જે અંદાજિત ગત 5 મહિનામાં એક દિવસના સૌથી વધુ કેસ છે. ત્યારે, 24 કલાકમાં 513 મોત થયા છે. આ દરમિયાન 60,048 દર્દી પણ સાજા થયા છે. કોરોનાના કુલ કેસ વધીને 1,24,85,509 થઇ ગયા છે. અત્યાર સુધી આ વાયરસને 1,16,29,289 દર્દી સાજા થઇ ચૂક્યા છે. દેશભરમાં કોરોનાના 6,91,597 એક્ટિવ કેસ છે. ત્યારે, આ ઘાતક વાયરસથી કુલ 1,64,623 મોત થઇ ચૂક્યા છે.  આ સાથે જ ફરી એકવાર રોજના કોરોના કેસોના મામલે ભારત દુનિયામાં પહેલા નંબરે પહોંચી ગયું છે. શુક્રવારે અંદાજિત 89,000 નવા કેસ નોંધાયા હતા જે દુનિયામાં સૌથી વધુ હતા. ત્યારબાદ અમેરિકા(70,024) અને બ્રાઝીલ(69,662)નો નંબર હતો.

શનિવારે મહારાષ્ટ્રમાં 49 હજાર નવા કેસ 

છેલ્લા 24 કલાકમાં મહારાષ્ટ્રમાં 49,447 નવા કેસ નોંધાયા હતા અને 277 લોકો મોત પામ્યા હતા, આના લીધે રાજ્યમાં મૃત્યુ દર હવે 1.88 ટકા થઈ ગયો છે, નાગપુરમાં આજે 3720 નવા કેસ નોંધાયા હતા અને મુંબઈમાં 9090 કેસ નોંધાતા આજે પણ એક દિવસમાં સૌથી વધુ કેસનો રેકોર્ડ તૂટયો હતો. 

સીએમ ઉદ્ધવ ઠાકરેએ નારાજગી દર્શાવી હતી 

મહારાષ્ટ્રમાં આજે કોરોનાણ રેકોર્ડ બ્રેક 49447 કેસ નોંધાતા ઉદ્ધવ સરકાર પર દબાણ વધી રહ્યું છે, મહત્વનું છે કે સીએમ ઉદ્ધવ ઠાકરેએ નારાજગી દર્શાવતા કહ્યું હતું કે હાલમાં તો લોકડાઉન નથી લગાવતા, પણ જે રીતે કેસ વધી રહ્યા છે, તેને જોતાં લોકડાઉન લગાવવું પડી શકે છે. મુંબઈમાં છેલ્લા 24 કલાકમાં કોરોનાના 9000 થી વધુ નવા કેસ નોંધાયા છે. મહારાષ્ટ્રમાં એક દિવસમાં કોરોનાના આ સૌથી વધુ કેસ છે. તે જ સમયે, છેલ્લા 24 કલાકમાં વાયરસને કારણે 27 લોકોએ જીવ ગુમાવ્યો છે.

આર્થિક રાજધાની મુંબઇમાં શનિવારે કોરોના વાયરસના કેસમાં દેશમાં સૌથી વધુ કોવિડ -19 કેસ નોંધાયા છે. મુંબઈમાં છેલ્લા 24 કલાકમાં કોરોનાના 9000 થી વધુ નવા કેસ નોંધાયા છે. મહારાષ્ટ્રમાં એક દિવસમાં કોરોનાના આ સૌથી વધુ કેસ છે. તે જ સમયે, છેલ્લા 24 કલાકમાં વાયરસને કારણે 27 લોકોએ જીવ ગુમાવ્યો છે.