વિધાનસભા ચૂંટણી / મહારાષ્ટ્રમાં બેઠકોની વહેંચણી, ભાજપ 144 બેઠકો અને શિવસેના 126 બેઠકો પર લડશે

• શિવસેના અને બીજેપી વચ્ચે બેઠકોની વહેંચણીનો નિર્ણય
• શિવેસના 126 બેઠકો પર, બીજેપી 144 બેઠકો પર ચૂંટણી લડશે
• 21 ઓક્ટોબરે ચૂંટણી, જ્યારે 24 ઓક્ટોબરે પરીણામ

સાથે જ શિવસેનાએ ડેપ્યૂટી મુખ્યમંત્રી પદના પ્રસ્તાવનો પણ સ્વીકાર કર્યો છે. બેઠકોની વહેંચણીની ઔપચારિક જાહેરાત પણ જલ્દી કરવામાં આવી શકે છે. બીજેપી 144 બેઠકો પર ચૂંટણી લડશે સાથે જ અન્ય સહયોગી પાર્ટી કુલ 18 બેઠકો પર ચૂંટણી લડશે. 

મહારાષ્ટ્ર વિધાનસભા ચૂંટણી માટે રાજ્યમાં 21 ઓક્ટોબરે ચૂંટણી થવાની છે, જ્યારે 24 ઓક્ટોબરે પરીણામ આવશે. ભાજપ જ્યાં આ ચૂંટણીમાં પૂર્ણ જુસ્સા સાથે ઉતરશે, જ્યારે શિવસેના, એનસીપી અને કોંગ્રેસ સામે ગત ચૂંટણીની તુલનામાં વધુ સારું પ્રદર્શન કરવાનો પડકાર રહેશે. 

નોંધનીય છે કે, 2014ની વિધાનસભા ચૂંટણીમાં રાજ્યની તમામ પાર્ટી, ભાજપ, કોંગ્રેસ, એનસીપી અને શિવસેનાએ 288 બેઠકો માટે અલગ-અલગ ચૂંટણી લડી હતી. ગત ચૂંટણીમાં ભાજપે 122 બેઠકો પર જીત મેળવી હતી. તેને 27.81 ટકા જ્યારે કોંગ્રેસને 17.95 ટકા વોટ મળ્યા હતા.