મહારાષ્ટ્ર / જે શરતોને કારણે ભાજપ-શિવસેનામાં તિરાડ પડી હતી, હવે એ જ ફોર્મ્યુલાથી મહારાષ્ટ્રમાં નવી સરકાર બની શકે

• મહારાષ્ટ્રમાં સરકાર બનવાને લઇને બ્લૂ પ્રિન્ટ તૈયાર
• કોંગ્રેસ-NCP-શિવસેના વચ્ચે ગઠબંધનને લઇને સહમતિઃસૂત્ર
• કોંગ્રેસ સરકારમાં સામેલ થાય તેવી શક્યતા

જો કે કોંગ્રેસનું નેતૃત્વ પહેલા શિવસેના સાથે ગઠબંધન કરવા તૈયાર નહોતું અને બહારથી સમર્થન આપવા અંગેની વાતચીત ચાલી રહી હતી, પરંતુ હવે શિવસેના અને NCP ના સૂત્રો જણાવી રહ્યાં છે કે કોંગ્રેસ પણ સરકારમાં સામેલ થશે. 

એવુ જાણવા મળી રહ્યું છે કે શરદ પવારની પાર્ટી NCPમાં શિવસેનાની સાથે મુખ્યમંત્રી પદને લઇને લગભગ સમજૂતિ બની ગઇ છે. વિધાનસભા ચૂંટણીમાં NCPને શિવસેના કરતાં માત્ર 2 બેઠક ઓછી મળી છે. 

સૂત્રોને મળતી જાણકારી મુજબ સરકારમાં પહેલા ટર્મ એટલે કે અઢી વર્ષ માટે ઉદ્ધવ ઠાકેર એટલે કે શિવસનેનાનો મુખ્યમંત્રી હશે, જ્યારે અંતિમ અઢી વર્ષ માટે NCPનો મુખ્યમંત્રી હશે. ઉલ્લેખનીય છે કે મુખ્યમંત્રી પદને લઇને જ ભાજપ અને શિવસેનાના ગઠબંધન વચ્ચે તિરાડ પડી હતી અને બંનેના રસ્તાઓ અલગ થઇ ગયા.

બીજી તરફ બતાવામાં આવી રહ્યું છે કે કોંગ્રેસે સરકાર બનાવાની સ્થિતિમાં પાંચ વર્ષ માટે ડે. સીએમ પદની  માગ કરી છે. આ સાથે જ વિધાનસભા અધ્યક્ષ પણ કોંગ્રેસ પાસે રહેશે.