મહારાષ્ટ્રમાં ભારતીય જનતા પાર્ટી (BJP) ની સત્તા જવાની સાથે જ દેવેન્દ્ર ફડણવીસ વિરુદ્ધ અવાજ બુલંદ થતી દેખાઇ રહી છે. પાર્ટીના નેતા પંકજા મુંડેએ પોતાના ફેસબુક પોસ્ટ દ્વારા બળવાના સંકેત આપ્યા છે. પંકજા મુંડેએ પિતા ગોપીનાથ મુંડેની વર્ષગાંઠ પર12 ડિસેમ્બરે સમર્થકોની બેઠક બોલાવી છે.
પિતાની વર્ષગાંઠ પર પંકજા મુંડેનું શક્તિ પ્રદર્શન
ફેસબુક પર પંકજા મુંડે કહ્યું, 8-10 દિવસમાં લઇશ મોટો નિર્ણય
ફડણવીસ સરકારમાં પૂર્વ મંત્રી પંકજા મુંડે પોતાના ગઢ પરલીથી ચૂંટણી હારી ગયા હતા
પંકજા મુંડેએ કહ્યું કે, બદલાતા રાજકીય માહોલમાં તાકતને ઓળખવાની જરુર છે, 8-10 દિવસમાં મોટો નિર્ણય લઇશ. ફેસબુક પોસ્ટમાં પંકજા મુંડે લખ્યું છે કે, બદલાતા રાજકીય માહોલમાં ભાવી કાર્યવાહી પર નિર્ણય લેવાવો જરુરી છે. આવતા 8-10 દિવસમાં નક્કી કરીશ કે આગળ શું કરવાનું છે, કયા રસ્તા પર મારે ચાલવાનું છે. આપણી મજબુત બાબત શું છે, તેના પર ધ્યાન આપવું જરુરી છે.
નોંધનીય છે કે, ફડણવીસ સરકારમાં પૂર્વ મંત્રી પંકજા મુંડે પોતાના ગઢ પરલીથી ચૂંટણી હારી ગયા હતા. પંકજા મુંડેને તેમના પિતરાઇ ભાઇ ધનંજય મુંડેએ હરાવ્યા હતા. ધનંજય મુંડેને 12,1186 વોટ મળ્યા હતા, ત્યારે પંકજા મુંડેને માત્ર 90418 વોટ હાંસલ થયા હતા. મહારાષ્ટ્ર વિધાનસભામાં નેતા ધનંજય મુંડેએ પોતાની બહેનને લગભગ 30000 વોટોથી હરાવ્યા હતા.