મહારાષ્ટ્ર / મહારાષ્ટ્ર: શિવસેના-NCPની સંયુક્ત પ્રેસ કોન્ફરન્સ, શરદ પવારે કહ્યું ફડણવીસ બહુમત સાબિત નહીં કરી શકે

• શિવસેના અને NCPની પ્રેસ કોન્ફરન્સ 
• દેવેન્દ્ર ફડણવીસે લીધા સીએમ પદના શપથ
• અજીત પવારે લીધા ડેપ્યૂટી સીએમ પદના શપથ

બીજેપીને ન તો મિત્ર જોઈએ અને ન તો વિપક્ષઃ ઉદ્ધવ ઠાકરે

ઉદ્ધવ ઠાકરેએ કહ્યું કે શિવસેના જે કરે છે તે અન્ય દિવસે દેખાડે છે. અમે લોકોને જોડવાની કોશિશ કરીએ છીએ અને તે લોકો તોડવાની કોશિશ કરે છે. આ જે ખેલ ચાલી રહ્યો છે તે આખો દેશ જોઈ રહ્યો છે. ઉદ્ધવ ઠાકરેએ કહ્યું છે કે બીજેપીને ન તો મિત્ર જોઈએ છે અને ન વિપક્ષ. આ લોકોએ હરિયાણા અને બિહારમાં પણ આવું જ કર્યું હતું. આજે જે થયું છે તે છત્રપતિ શિવાજી મહારાજ પર સર્જિકલ સ્ટ્રાઈક છે. 

બહુમત સાબિત નહીં કરી શકેઃ શરદ પવાર

શરદ પવારે દાવો કર્યો કે દેવેન્દ્ર ફડણવીસ બહુમત સાબિત કરી શકશે નહીં. અમે એકસાથે છીએ, અજીત પવારની પાસે જે ચિટ્ઠી હતી તેમાં દરેક 54 ધારાસભ્યોના હસ્તાક્ષર હતા. શરદ પવારે કહ્યું કે આજે સાંજની બેઠકમાં આગળનો નિર્ણય નક્કી થશે. અમે જે નિર્ણય લઈશું તેમાં શિવસેનાની સહમતિ બની શકશે નહીં. મને કોઈ ચિંતા નથી. પહેલાં પણ મારી સાથે આવું થઈ ચૂક્યું છે. અમે રાજ્યપાલને 30 નવેમ્બર સુધીનો સમય આપ્યો છે. અમારી પાસે નંબર છે અને અમે સરકાર બનાવીશું.

શરદ પવાર બોલ્યા - અજીત પવારનો પોતાનો નિર્ણય

એનસીપી પ્રમુખ શરદ પવાર બોલ્યા કે આ અજીત પવારનો પોતાનો નિર્ણય છે. આ નિર્ણય પાર્ટીની વિચારધારાની વિરુદ્ધનો છે. કેટલાક નિર્દલીય ધારાસભ્યો અમારી સાથે છે. કેટલાક ધારાસભ્યો બીજેપીની સાથે આવ્યા છે. આ ધારાસભ્યોને પાર્ટી બદલવાનો નિયમ ખ્યાલ હોવો જોઈએ. મને અજીત પવારના ડેપ્યુટી સીએમ બનવાની વાત અચાનક ખબર પડી છે. અમારે જે કાર્યવાહી કરવાની હશે તે અમે કરીશું.

પ્રેસ કોન્ફરન્સ શરૂ

મુંબઈના વાઈબી ચૌહાણ સેન્ટરમાં શિવસેના-એનસીપીની પ્રેસ કોન્ફરન્સ શરૂ થઈ છે. જેમાં કોંગ્રેસ પાર્ટી સામેલ નથી. છેલ્લા સમયે કોંગ્રેસ અલગ થઈ છે. 

WATCH: Shiv Sena-NCP address the media in Mumbai https://t.co/gYVOYSQVC3

— ANI (@ANI) November 23, 2019

સુપ્રિયા સુલે પણ પહોંચી

પ્રેસ કોન્ફરન્સમાં સુપ્રિયા સુલે પણ પહોંચી.

#WATCH Mumbai: Nationalist Congress Party's Supriya Sule receives Shiv Sena's Uddhav Thackeray and Aditya Thackeray outside YB Chavan Centre, where Congress-NCP-Shiv Sena will address the media shortly. pic.twitter.com/Y2ZaUClDic

— ANI (@ANI) November 23, 2019