IPLIN
 

રાજનીતિ / મહારાષ્ટ્રમાં ગેમ પલટતા હાર્દિકનું ટ્વિટ, તો અલ્પેશ ઠાકોર, જીગ્નેશ મેવાણીએ કહ્યું- 'મોટાભાઇ...'

Team VTV 05:35 PM, 23 Nov 19 | Updated: 05:36 PM, 23 Nov 19
Follow us
Maharashtra bjp fadnavis government Alpesh Thakor Hardik Patel Jignesh Mewani statement

મહારાષ્ટ્રમાં સરકાર રચવાની લાંબી ખેંચતાણ બાદ શનિવારે તેનો નાટકીય રીતે અંત આવી ગયો. શિવસેના, એનસીપી અને કોંગ્રેસના નેતાઓ સરકારની રચવા માટે પરસ્પર મંત્રણા કરતા રહ્યા અને ભાજપે અડધી રાતે એનસીપી પર સર્જિકલ સ્ટ્રાઇક કરી દીધી. મહારાષ્ટ્રની જનતા ઉદ્ધવ ઠાકરેની શપથવિધિના સાક્ષી બને  તે  પહેલા ફડણવીસે બ્રહ્મમુહૂર્તમાં મહારાષ્ટ્રનું સંભાળી લીધું. દેવેન્દ્ર ફડણવીસે મુખ્યમંત્રી અને અજિત પવારે નાયબ મુખ્યમંત્રી પદના શપધ લીધા.

મહારાષ્ટ્રમાં ફડણવીસના શપથ બાદ નેતાઓ એક બીજા પર વાર પ્રહાર કરી રહ્યા છે. ત્યારે આ મામલે ગુજરાતના નેતાઓની જાણો શું આવી પ્રતિક્રિયા...

આ મામલે ગુજરાતના મુખ્યમંત્રી વિજય રૂપાણીએ દેવેન્દ્ર ફડણવીસને મુખ્યમંત્રી અને અજીત પવારને નાયબ મુખ્યમંત્રી તરીકે શપથ લેવા બદલ અભિનંદન પાઠવ્યા હતા. જ્યારે નીતિન પટેલે પણ અભિનંદન પાઠવતા કહ્યું હતું કે તેમના નેતૃત્વમાં વિકાસના નવો યુગ દેખાડી દઇશું.

માટા ભાઇને અભિનંદનઃ અલ્પેશ ઠાકરે

ભાજપના નેતા અલ્પેશ ઠાકોરે ટ્વિટ કરતા લખ્યું છે કે, 'માનનીય દેવેન્દ્ર ફડણવીસજી અને મોટા ભાઇ અમિત શાહજીને હાર્દિક અભિનંદન. હું અત્યારે ખુબ ખુશ છું. મારી હંમેશા શુભેચ્છાઓ...'

ત્યારે અપક્ષના ધારાસભ્ય જીગ્નેશ મેવાણીએ ટ્વિટમાં લખ્યું છે કે 'મોટા ભાઇ કોઇ નિયમો નથી જાણતા'

ભાજપને સત્તામાં લાવવા રાજ્યપાલ અડધી રાત્રે કામ કરે છેઃ હાર્દિક પટેલ

તો કોંગ્રેસના નેતા હાર્દિક પટેલે પણ કટાક્ષ કરતા લખ્યું હતું કે, આપણા ભારતના રાષ્ટ્રપતિ અને રાજ્યના રાજ્યપાલ ખૂબ પ્રામાણિક છે, તેથી જ તેઓ ભાજપને સત્તામાં લાવવા માટે અડધી રાતે કામ કરે છે.

અન્ય એક ટ્વિટમાં હાર્દિકે લખ્યું હતું કે, મહારાષ્ટ્રના રાજકારણમાં જે બન્યું તે એવું જણાવે છે કે ભાજપ ક્યારેય સત્તા વગર નહીં જીવી શકે. આ ઉપરાંત ભ્રષ્ટાચાર અને ગેરબંધારણીય કામ કરવું તે તેમના સરકારની નીતિ છે. ભાજપને ડર છે કે તેની ખોટી કાર્યવાહી લોકો સમક્ષ ન આવે.

ભાજપે મહારાષ્ટ્રના નાગરિકો સાથે વિશ્વાસ ઘાત કર્યોઃ અમિત ચાવડા

કોંગ્રેસ ગુજરાત પ્રદેશ પ્રમુખ અમિત ચાવડાએ કહ્યું કે, આજે મહારાષ્ટ્રમાં જે થયું તે લોકતંત્ર અને ભારતીય બંધારણનું અપમાન છે, મહારાષ્ટ્રમાં રાષ્ટ્રપતિ શાસન સવારે 5:47થી હટવું અને મુખ્યમંત્રીને શપથ અપાવવા આ ભાજપનું અનૈતિકતાનું પ્રમાણ આપે છે. ભાજપે ભારતીય બંધારણ સાથે છેડછાડ કરીને મહારાષ્ટ્રના નાગરિકો સાથે વિશ્વાસઘાત કર્યો છે.


મહારાષ્ટ્રમાં મોટા ઉલટફેર પર કોંગ્રેસ નેતા અહેમદ પટેલે મોટું નિવેદન આપ્યું. તેઓએ કહ્યું કે લોકતંત્ર અને સંવિધાનનું અપમાન કરાયું છે. અનૈતિકતા પર બનેલી સરકાર વધુ નથી ચાલતી. તેમણે ટ્વિટ કરીને પણ લખ્યું હતું કે, અડધી રાત્રે ગુપ્તરીતે ગેરકાયદેસ અને દુષ્ટ દાવપેચ થાય છે. આવી શરમ હતી કે તેમણે છુપાઇને શપથ લેવા પડ્યા. આ ગેરકાયદેસર રચના સ્વવિનાશ કરશે. 
 

Maharashtra Alpesh Thakor hardik patel gujarat મહારાષ્ટ્ર ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ