ચૂંટણી / મહારાષ્ટ્રમાં ચૂંટણી પહેલા કોંગ્રેસને મોટો ઝટકો, ભાજપમાં સામેલ થશે 6 ધારાસભ્યો

• મહારાષ્ટ્ર વિધાનસભા ચૂંટણી પહેલા કોંગ્રેસને મોટો ઝટકો
• તમામ ધારાસભ્યો સોમવારે બીજેપીની સદસ્યતા હાંસલ કરશે
• મહારાષ્ટ્રમાં 21 ઓક્ટોબરે મતદાન થશે 

મહારાષ્ટ્ર વિધાનસભા ચૂંટણીનું બ્યૂગલ ફૂંકાઇ ચૂક્યું છે. ચૂંટણી પંચ મુજબ 21 ઓક્ટોબરે મતદાન થશે અને 24 ઓક્ટોબરે ચૂંટણીના પરિણામ સામે આવશે. સૂત્રો મુજબ, કોંગ્રેસના 6 વર્તમાન ધારાસભ્ય મુખ્યમંત્રી દેવેન્દ્ર ફડણવીસની ઉપસ્થિતિમાં મુંબઇમાં બીજેપીમાં સામેલ થશે. 

કોંગ્રેસના 6 ધારાસભ્યો અસલમ શેખ, રાહુલ બોન્દ્રે, કાશીરામ પાવરા, ડી.એસ.અહિર, સિદ્ધરામ મ્હેત્રે, ભારત ભાલકે, ભાજપમાં સામેલ થયા છે. આ તમામ ધારાસભ્યો પોતાનું નામ કોંગ્રેસ દ્વારા જાહેર લિસ્ટમાં ન મેળવવાને કારણે નારાજ હતા. જોકે, માનવામાં આવી રહ્યું છે કે, આ ધારાસભ્ય પહેલાથી જ કોંગ્રેસને અલવિદા કહેવાનું મન બનાવી ચૂક્યા હતા. કદાચ આ જ કારણે આ ધારાસભ્યો ટિકિટ વહેંચણી દરમિયાન ઇન્ટરવ્યૂથી અળગા રહ્યા હતા. 

બીજી તરફ બીજેપી-શિવસેના ગઠબંધનમાં ઠીક ચાલી રહ્યું નથી. શિવસેના અધ્યક્ષ ઉદ્ધવ ઠાકરે શનિવારે એક નિવેદન આપી જાહેર કર્યું કે તે ગઠબંધનમાં કોઇપણ મુદ્દા પર પાછળ હટવાના નથી. એમણે કહ્યું કે, એમણે પોતાના દિવંગત પિતા બાલાસાહેબ ઠાકરેને વચન આપ્યું હતું કે એક દિવસ એક શિવસૈનિક મહારાષ્ટ્રના મુખ્યમંત્રી બનશે.