ચર્ચા / ચૂંટણીના પરિણામો બાદ વિપક્ષની આ પ્રતિક્રિયા ન આવવાથી સૌ કોઈ હેરાન

• મહારાષ્ટ્ર-હરિયાણા ચૂંટણીના પરિણામ બાદ EVM પર બબાલ નહીં
• પરિણામ બાદ EVMને લઇને કોઇ ફરિયાદ નહીં
   

EVM પર ઉઠતાં હોય છે સવાલ

છેલ્લા કેટલાક સમયથી દરેક ચૂંટણી બાદ EVM ને લઇને રાજકીય પાર્ટીઓ તરફથી નિવેદન આવતાં હોય છે. જો કે આ વખતે ઇલેક્ટ્રોનિક વોટિંગ મશીનને લઇને કોઇપણ પક્ષ તરફથી કોઇ ફરિયાદ કરવામાં આવી નથી. હરિયાણામાં કોંગ્રેસનું પ્રદર્શન સારુ રહ્યું, જ્યારે મહારાષ્ટ્રમાં વિપક્ષી દળોને આશા કરતા વધારે સફળતા મળી. 

ચૂંટણી પરિણામથી દોષમુક્ત થયું EVM

EVMના ટેક્નિકલ પક્ષોના જાણકાર એક વ્યક્તિએ કહ્યું કે , ચૂંટણી પરિણામ પર EVM સાથે છેડછાડનો દાવો કરનારા લોકો કર્ણાટક, MP અને રાજસ્થાનના પરિણામ બાદ પણ ચૂપ હતા. હરિયાણા અને મહારાષ્ટ્રના ચૂંટણી પરિણામે પણ સાબિત કરી દીધુ હતું કે EVM સાથે છેડછાડ કરવાની વાત સાવ ખોટી છે. 

લોકસભા ચૂંટણી પહેલા જ ઉઠ્યો હતો EVMનો મુદ્દો

લોકસભા ચૂંટણી પહેલા પણ EVMનો મુદ્દો જોવા મળ્યો હતો. ચૂંટણી પ્રચાર દરમિયાન સ્કાઇપ દ્વારા લંડનથી એક વીડિયો જારી કરવામાં આવ્યો હતો. વિદેશમાં રહેતા આ તથાકથિત રીતે EVM એક્સપર્ટે દાવો કર્યો હતો કે 2014ની ચૂંટણીમાં EVMને હેક કરવામાં આવ્યું હતું. જો કે ચૂંટણી પંચે આ દાવાને નકારી દેતાં તેને એક એજન્ડા કરાર દીધો હતો.