હોર્સ ટ્રેડિંગ...એક એવો શબ્દ જેને તમે હાલના સમયમાં વારંવાર સાભળી ચૂક્યા છો. એવી તોડજોડની રાજનીતિ. જે હવે રાજનીતિનો જ હિસ્સો બની ગઈ છે...એવું કહી શકાય કે હવે તેના વિના રાજનીતિ જ શક્ય નથી. પહેલા કર્ણાટક. પછી મધ્યપ્રદેશ અને હવે રાજસ્થાનમાં પણ તેવી જ રીતે તોડજોડની રાજનીતિ શરૂ થઈ ગઈ છે. જો કે રાજસ્થાન અને મધ્યપ્રદેશમાં તો સરકાર જવા પાછળ જો કોઈ જવાબદાર હોય તો તે કોંગ્રેસ જ છે. કેમ કે જે રીતે કોંગ્રેસ પોતાના જ નેતાઓને સાચવવામાં નિષ્ફળ રહી તેના ભાગરૂપે જ તેને સત્તા ગુમાવાનો વારો આવ્યો છે.
પોતાના જ નેતાઓની નારાજગીને કારણે કોંગ્રેસ હોર્સ ટ્રેડિંગનો ભોગ બનતી આવી છે.. ત્યારે અહીં સવાલ એ છે કે શું હોર્સ ટ્રેડિંગથી જનતાનું હિત જળવાશે ખરુ? શું જનપ્રતિનિધિઓની પાર્ટી બદલવાની નીતિ જનતા સાથે દ્રોહ નથી? આખરે હોર્સ ટ્રેડિંગથી ભલુ કોનું થાય છે?આ જ તમામ બાબતો પર છે આજનું મહામંથન