ઉજ્જૈન / "કપાળ પર તિલક અને ID નહીં હોય તો ગરબા પંડાલમાં ઘુસવા નહીં દઇએ" નવરાત્રી પર્વને લઇ મહામંડલેશ્વરની ચેતવણી

• નવરાત્રી પર્વને લઇ મહામંડલેશ્વરની ચેતવણી
• ઉજૈનના આહ્વાન અખાડાના મહામંડલેશ્વર અતુલેશાનંદ સરસ્વતીની ચેતવણી
•  કપાળ પર તિલક અને ID નહીં હોય તો ગરબા પંડાલમાં ઘુસવા નહીં દઇએ 

નવરાત્રિ પર્વને હવે ગણતરીના દિવસો બાકી રહ્યા છે. ત્યારે આ દરમિયાન માતાજીના મંદિરોમાં વિશેષ પૂજા-અર્ચના અને આરતીનો શણગાર થશે. તો સાંજે શહેરના અનેક સ્થળોએ ગરબાનું પણ આયોજન કરવામાં આવશે.જે ને લઇને તડામાર તૈયારીઑ ચાલી રહી છે. ગરબામાં માટે રિહર્સલ પણ શરૂ થઈ ગયા છે.  તેવામાં ગરબી દરમિયાન પંડાલમાં યુવતીઓ અને મહિલાઓ સાથે છેડતી અને લવ જેહાદ જેવી ઘટનાઓને રોકવા માટે આ વખતે ઉજ્જૈનના આહ્વાન અખાડાના મહામંડલેશ્વર અતુલેશાનંદ સરસ્વતીએ જાહેરાત કરી છે.

ગરબા પંડાલ લવ જેહાદનું સૌથી મોટું માધ્યમ
જેમના જણાવ્યા અનુસાર આ વખતે ગરબા પંડાલમાં પ્રવેશવા માટે ભક્તોએ તેમના માથા પર તિલક અને ખિસ્સામાં આઈડી લગાવવી જરૂરી છે. આ બંને ફરજિયાત હશે તો જ પંડાલોમાં એન્ટ્રી આપવામાં આવશે. મહામંડલેશ્વર અતુલેશાનંદ સરસ્વતીએ કહ્યું કે ગરબા પંડાલ લવ જેહાદનું સૌથી મોટું માધ્યમ છે. કારણ કે આ પંડાલમાં અનીક લોકો માતાની પૂજા કરવાને બદલે છોકરીઓને પોતાની લવ જાળમાં ફસાવીને લવ જેહાદ કરવા આવતા હોય છે. તેમણે એમ પણ કહ્યું કે જો કોઈ ગરબા આયોજક પાસે એડમિટ કાર્ડ ચેક કરવા  તિલક લગાવવા માટે કાર્યકરોની કમી હોય તો અખંડ હિન્દુ સેનાના કાર્યકરો અને બહેનો આ કાર્યમાં મદદ કરી શકે છે.
 
50 થી વધુ સ્થળો ગરબાના આયોજન કરશે
કોરોના બાદ પહેલી વખત નવરાત્રિનું આયોજન કરવામાં આવતું હોવાથી શહેરભરમાં 50 જેટલા સ્થળોએ ગરબાનું આયોજન કરવામાં આવશે. જેમાં અગ્રવાલ, સિંધી, નાગર અને ગુજરાતી સમાજના લોકો પરંપરાગત ગરબાનું આયોજન કરશે. આ ઉપરાંત મોટી હોટલો અને કોલોનીઓમાં પણ ગરબાનું આયોજન કરવામાં આવશે.શહેરભરમાં યોજાનાર ગરબાના આયોજન માટે પોલીસ અને પ્રશાસન તૈયાર છે, પરંતુ મહામંડલેશ્વર અતુલેશાનંદ સરસ્વતીના જણાવ્યા અનુસાર તેમની એકવિધ હિન્દુ સેનામાં લગભગ 7 હજાર કાર્યકરો અને સિંઘવાહિનીમાં 1800 બહેનો છે, જે આ વર્ષ નવરાત્રીમાં શહેરભરમાં યોજાનાર ગરબા ઈવેન્ટ્સ પર ખાસ નજર રાખવામાં આવશે.