Video / મહાભારતનો છેલ્લો એપિસોડ શૂટ કર્યા બાદ કલાકારોના થયા હતા આવા હાલ, વીડિયો થઈ રહ્યાં છે વાયરલ

• લોકડાઉનને કારણે 90ના દાયકાના શોઝ ફરી પ્રસારિત થતાં દર્શકો છે ખુશ
• ત્યારે મહાભારતના સેટ પર છેલ્લા દિવસે હતો આવો માહોલ
• મહાભારતની સમગ્ર સ્ટારકાસ્ટ થઈ ગઈ હતી ઈમોશનલ

મહાભારતમાં શ્રી કૃષ્ણ, પાંડવ, દ્રૌપદી, ભીષ્મ પિતામહ, શકુની, કૌરવ આ તમામ કલાકારો પડદાં પર યુદ્ધના મેદાનમાં જોવા મળ્યા હતા. પરંતુ શોના અંતિમ દિવસે તમામ કલાકારો એકબીજાના ગળે લાગીને ખૂબ રડ્યા હતા. મહાભારતના શૂટિંગ લોકેશનના એક વીડિયોમાં બધાં જ કલાકાર રડતા જોવા મળ્યા હતા. શૂટિંગ દરમિયાન તેમની વચ્ચેની આ બોન્ડિંગ જબરદસ્ત હતી. પછી ભલે તેઓ સ્ક્રીન પર એકબીજા પ્રત્યે કેટલો દ્વેષ બતાવે, પરંતુ રિયલમાં તેઓ ખૂબ જ સારાં મિત્રો બની ગયા હતા. 

દ્રૌપદીના ચીર હરણનો સીન પર દમદાર હતો

મહાભારતમાં દ્રોપદીનું ચીર હરણ ખૂબ જ જબરદસ્ત રીતે દર્શાવામાં આવ્યું હતું.  બીઆર ચોપડા આ સીનને શક્ય હોય એટલું વાસ્તવિક અને પ્રબળ રીતે દેખાડવા માંગતા હતા. તેમણે પહેલાં મહાભારતમાં દ્રોપદીનો રોલ પ્લે કરી રહેલી એક્ટ્રેસ રૂપા ગાંગુલીને બોલાવી હતી. આ સીક્વેન્સ એટલું દમદાર હતું કે એક જ વારમાં શૂટ કરી લેવામાં આવ્યું હતું. મેકર્સે બતાવ્યું કે દ્રોપદીના ચીર હરણનું સીક્વેન્સ એટલું ઈમોશનલ હતું કે, રૂપા ગાંગુલી આ સીન કરતી વખતે રડવા લાગી હતી.