કાચાં સલાડના રૂપમાં શાકભાજી સ્વરૂપે અથવા કોઈપણ રૂપે ટામેટાંનું સેવન શરીર માટે ફાયદાકારક છે. ટામેટાંમાં પોષક તત્વો પુષ્કળ હોવાથી શાકભાજી તરીકે શ્રેષ્ઠ ગણાય છે. ટામેટાંમાં સારાં પ્રમાણમાં લાઈકોપિન અને વિટામિન સી હોય છે. આ સિવાય તેમાંથી બાયોટીન વિટામિન કે પોટેશિયમ કોપર મેંગનીઝ ફાયબર વિટામિન A B6 B3 ફોલેટ ફોસ્ફરસ વિટામિન B1 E આયર્ન ઝિંક જેવા અઢળક પોષક તત્વો મળી રહે છે. નાના બાળકથી લઈને ગર્ભવતી મહિલા અને વૃદ્ધો સૌના માટે ટામેટાં બહુ ફાયદાકારક છે. રોજ સલાડમાં 1-2 ટામેટાં ખાવા બહુ ફાયદાકારક છે. જેથી આજે અમે તમને ડાયટમાં ટામેટાં ખાવાથી થતાં ફાયદાઓ જણાવીશું.
રોજ ટામેટાં ખાવાના ફાયદા
-ટામેટાં ખાવાથી ચામડીની ચમક વધે છે. યુવાની બરકરાર રાખવામાં પણ ટામેટાંનું સેવન મદદરૂપ થાય છે.
- સ્વાસ્થ્યની દૃષ્ટિએ જોઇએ તો લીલાં ટામેટાં સર્વોત્તમ ગણાય છે. ટામેટાં ખાટાં ભૂખ લગાડનાર આહારનું પાચન કરનાર મળને સરકાવનાર અને રક્તને શુદ્ધ કરનાર છે.
- આખા શિયાળા દરમિયાન દરરોજ સવારે 3-4 ટામેટાં કાચાં જ ખાઇ જાવ શરીર રહેશે સ્વસ્થ અને બનશે બળવાન.
-ટામેટાં ખાવાથી વજન વધતું નથી. ટામેટાંમાં ખૂબ જ વધુ પાણી અને ફાયબર હોય છે એટલા માટે તેનાથી ઝડપથી પેટ ભરાઈ જાય છે અને તે વજનને નિયંત્રણમાં રાખે છે સાથે જ તે શરીરના નાના-મોટા વિકારો દૂર કરે છે.
-ચહેરાનો તેજ વધારવામાં અને શરીરની નિર્બળતા દૂર કરવા માટે ટામેટાંનું નિયમિત સેવન કરવું જોઇએ.
-ટામેટાંના ટુકડા કરીને તેની પર સૂંઠ અને સિંધવ ભભરાવીને ખાવાથી પાચન શક્તિ વધે છે. તેનાથી ભોજન પ્રત્યે અરૂચિ અને આફરો પણ દૂર થઈ જાય છે.
-જો તમારા શરીરમાં લોહીની ઉપણ છે અને ચહેરો ફીક્કો પડી ગયો છે તો તમે શક્ય તેટલા વધુ ટામેટાં ખાઓ અથવા તેનું સૂપ પીઓ. આનાથી તમારું લોહી તો વધશે જ સાથે ત્વચાનો રંગ પણ નિખરી ઉઠશે.
-ગર્ભવતી સ્ત્રી અને વૃદ્ધોએ પણ ટામેટાંનું નિયમિત સવારે સેવન કરવું જોઇએ આ તેમના માટે ટોનિકનું કામ કરશે.
-ડાયાબિટીસના દર્દીઓ માટે ટામેટાં સેવન ખૂબ જ ફાયદાકારક રહે છે. દરરોજ એક કાકડી અને એક ટામેટું ખાવાથી ડાયાબિટીસના દર્દીને લાભ થાય છે. ટામેટાં ખાવાથી લીવર અને કિડનીની કાર્યક્ષમતા વધે છે. દરરોજ ટામેટાંનો સૂપ પીવાથી વધુ લાભ મળે છે.
-ટામેટાં તણાવને દૂર કરવામાં મદદ કરે છે. જે લોકો અઠવાડિયામાં બેથી છ ટામેટાં ખાય છે. તેમને ટામેટાં ન ખાનારાની સરખામણીમાં ઓછા તણાવનો સામનો કરવો પડે છે. ટામેટાં ખાવાથી કેન્સર સામે રક્ષણ મળે છે.
-નાના બાળકોને અવારનવાર કરમિયાં થતાં હોય છે. કેટલીક મોટી વ્યક્તિઓને પણ આ તકલીફ થતી હોય છે. ટામેટાંના રસમાં હીંગનો વઘાર કરીને પીવાથી ફાયદો થશે.
-કોઢની સમસ્યાવાળી વ્યકિત માટે તુલસીનો રસ અને ટામેટાંનો રસ ભેગો કરીને પીવાથી ફાયદો થાય છે.
-ગેસની તકલીફ વારંવાર થતી હોય તેવી વ્યક્તિઓ માટે ટામેટાંની કાપેલી ચીરીઓ ખુબ લાભકારી છે. આની સાથે જો સંચળ ભેળવી દેવામાં આવે તો તે રામબાણ દવાની ગરજ સારે છે.