નિર્ણય / આ તો બધા રાજ્યોમાં કરવા જેવુ, આ રાજ્યમાં ગુનેગારોના પૈસા ગરીબોમાં વહેંચી દેશે સરકાર

• મધ્યપ્રદેશ સરકાર લાવી શકે છે નવો કાયદો
• ગુનેગારોના પૈસા અને મિલકત ગરીબોમાં વહેંચવાની જોગવાઈ
• શિવરાજ સરકારે 500 ગુનેગારોના ઘરે બુલડોઝર ચલાવી દીધા 

ગુનેગારોના પૈસા અને મિલકત ગરીબોમાં વહેંચશે?

મધ્યપ્રદેશ સરકાર નવો કાયદો લાવી શકે છે. આ કાયદામાં ગુનેગારોના પૈસા અને મિલકત ગરીબોમાં વહેંચવાની જોગવાઈ હશે. મધ્યપ્રદેશના ગૃહમંત્રી નરોત્તમ મિશ્રાએ કહ્યું કે આ કાયદો ઉત્તરપ્રદેશના ગેંગસ્ટર એક્ટ કરતા પણ વધારે કડક બની શકે છે. નરોત્તમ મિશ્રાએ મીડિયાને કહ્યું કે ગૃહ અને કાયદા વિભાગોએ આ બિલ પર સાથે મળીને કામ કરવાનું શરૂ કર્યું છે.

વિશેષ અદાલતોની સ્થાપના

તેમણે કહ્યું કે આ બિલમાં કેસોના ઝડપી નિકાલ માટે, અમે વિશેષ અદાલતોની સ્થાપના કરીશું અને સાક્ષીઓની સુરક્ષા માટે વિશેષ જોગવાઈઓ કરવામાં આવશે. આ ગુનેગારોને પ્રત્યક્ષ કે પરોક્ષ રીતે મદદ કરનારાઓ માટે આ બિલમાં સજાની જોગવાઈ પણ કરવામાં આવશે. અમે ગુનેગારોની જપ્ત કરેલી રકમ અને મિલકત ગરીબોમાં વહેંચવાની જોગવાઈ પણ લાવી રહ્યા છીએ. 

મધ્યપ્રદેશ સરકાર શિયાળુ સત્રમાં આ બિલ રજૂ કરી શકે તેવી અપેક્ષા છે. શિવરાજ સિંહની સરકાર સતત ગુના અટકાવવાની વાત કરી રહી છે. તાજેતરમાં જ એક વીડિયો વાયરલ થયો હતો, આ વીડિયોમાં કેટલાક લોકો એક માણસને ઝાડ સાથે બાંધીને મારી રહ્યા હતા અને સારવાર દરમિયાન તેનું મોત થયું હતું.

500 ગુનેગારોના ઘરે બુલડોઝર ચલાવી દેવામાં આવ્યા

આ પછી, શિવરાજ સરકારે ગુનેગારોના ઘર પર બુલડોઝર ચલાવ્યું અને શિવરાજ સિંહે કહ્યું હતું કે જેઓ સુધરતા નથી તેમની સાથે પણ આવું જ થશે. અત્યાર સુધીમાં 500 ગુનેગારોના ઘરે બુલડોઝર ચલાવી દેવામાં આવ્યા છે, જ્યારે મુખ્યમંત્રી શિવરાજ સિંહ ચૌહાણે જાહેરાત કરી હતી કે સરકાર આવા ગુનાઓને રોકવા માટે કડક કાયદા લાવશે.