BIG NEWS / મધ્ય પ્રદેશ: જિલ્લા પંચાયત ચૂંટણીમાં ભાજપનો ભગવો લહેરાયો, 51માંથી 41 સીટ પર કબ્જો કર્યો

• મધ્ય પ્રદેશમાં ભાજપને ભગવો લહેરાવ્યો
• જિલ્લા પંચાયત અધ્યક્ષની ચૂંટણીમાં શાનદાર જીત
• 51 સીટમાંથી 41 પર ભાજપની જીત, 10માં કોંગ્રેસની જીત

2023માં વિધાનસભા ચૂંટણી અગાઉ મધ્ય પ્રદેશમાં થયેલી નિગમ ચૂંટણી અને હવે પંચાયત ચૂંટણીમાં જ પણ ભાજપે ભગવો લહેરાવ્યો છે. મધ્ય પ્રદેશની 51 જિલ્લામાંથી 41 પર ભારતીય જનતા પાર્ટીએ જિલ્લા પંચાયત અધ્યક્ષ તો 10 પર કોંગ્રેસના જિલ્લા પંચાયત અધ્યક્ષ ચૂંટાયા છે.

મધ્ય પ્રદેશમાં ભાજપે ત્રિસ્તરીય પંચાયત ચૂંટણીમાં ભારે સફળતા મેળવી છે. ભાજપે 51માંથી 41 જિલ્લા સીટો જીતી લીધી છે. આ ઉપરાંત રાજ્યની લગભગ 23 હજાર પંચાયતોમાંથી 90 ટકા એટલે કે, લગભગ 20 હજારથી વધારે પંચાયતોમાાં ભાજપ સમર્થિક સરપંચ બન્યા છે. 642 સમરસ પંચાયતમાંથી ભાજપ સમર્થિત ઉમેદવારો વિજયી બન્યા છે. જનપદ પંચાયતોના પરિણામોમાં 227 ભાજપ સમર્થિત અધ્યક્ષ બન્યા છે. રાજ્યમાં નગર પાલિકા અને નગર પરિષદ મળીને કુલ 3468માં ભાજપને જીત મળી છે. 

આ મામલે મુખ્યમંત્રી શિવરાજ સિંહ ચૌહાણે જણાવ્યું હતું કે, આ જીત ઉત્સાહિ કરનારી છે. ભાજપ ઘરે ઘરે પહોંચી ચુકી છે. આ જીત કાર્યકર્તાઓની જીત છે. તેમણે કહ્યું કે, મોદીજીની યોજનાઓ, રાજ્ય સરકારના કામના કારણે જીત પ્રાપ્ત કરી છે. હવે ડબલ એન્જીનની નહીં પણ ટ્રિપલ એન્જીનની સરકાર ચાલી રહી છે. સીએમ શિવરાજ સિંહ ચૌહાણે કહ્યું કે, કોંગ્રેસ હવે ક્યાંય બચી નથી.

લોકસભા ચૂંટણીમાં તમામ 29 સીટો જીતીશું

કોંગ્રેસ પર આકરાં તેવર અપનાવતા સીએમ શિવરાજ સિંહ ચૌહાણે કહ્યું કે, દિગ્વિજય સિંહ કલેક્ટ્રેટ ગેટને ડગાવી રહ્યા હતા. ધમકાવી રહ્યા હતા. આ પ્રકારના વ્યવહાર તેમને શોભતો નથી. તેઓ 10 વર્ષ સીએમ રહબ્યા છે. કોંગ્રેસ હવે સમેટાઈ ગઈ છે. ભાજપનો આગામી ટાર્ગેટ લોકસભા ચૂંટણી છે. વિધાનસભા ચૂંટણીમાં તો અમને સફળતા મળશે, પણ લોકસભામાં આ વખતે 29માંથી 29 સીટો જીતીશું. ગત વખતે એક સીટ બચી ગઈ હતી.