શપથ વિધિ / સરકાર બન્યાના 29 દિવસ બાદ શિવ'રાજ'નું વિસ્તરણ, આ નેતાઓને મંત્રીમંડળમાં સ્થાન

• મધ્યપ્રદેશમાં શિવરાજ કેબિનેટનો થયો વિસ્તાર
• આજે 5 મંત્રીઓએ લીધા શપથ
• 29 દિવસ બાદ શિવરાજ મંત્રીમંડળનો થયો વિસ્તાર

મધ્યપ્રદેશમાં સત્તા પર આવ્યા બાદ મુખ્યમંત્રી શિવરાજ સિંહ ચૌહાણે મંગળવારે પોતાના મંત્રીમંડળનો વિસ્તાર કર્યો. 29 દિવસ બાદ થયેલા કેબિનેટના વિસ્તારમાં 5 મંત્રીઓએ શપથ લીધા. તેમાં કોંગ્રેસના ભાજપમાં સામેલ થયેલા જ્યોતિરાદિત્ય સિંધિયાના સમર્થક પણ સામેલ છે.  શપથ ગ્રહણ સમયે રાજભવનમાં મંત્રી સહિત અનેક નેતા માસ્ક પહેરેલા જોવા મળ્યા હતા. આ સાથે જ મંત્રીઓએ સોશ્યલ ડિસ્ટન્સિંગનું પણ પાલન કર્યું હતું. 

Madhya Pradesh: BJP leaders Narottam Mishra, Kamal Patel, Meena Singh, Tulsi Silawat and Govind Singh Rajput took oath as ministers, at the state cabinet expansion ceremony in Bhopal today. pic.twitter.com/RBEJk449Bk

— ANI (@ANI) April 21, 2020

આ મંત્રીઓએ લીધા શપથ

નરોત્તમ મિશ્રા
કમલ પટેલ
મીના સિંહ
તુલસીરામ સિલાવટ
ગોવિંદ સિંહ રાજપૂત

એક તરફ દેશમાં લૉકડાઉન છે અ્ન્ય તરફ કોઈ પણ રાજનૈતિક કાર્યક્રમની પરમિશન આપવામાં આવી નથી. આ સમયે આજે શિવરાજ સરકારના કેબિનેટનો વિસ્તાર થયો છે. કોરોના સંકટમાં ગૃહ કે સ્વાસ્થ્ય મંત્રી ન હોવાના કારણે વિપક્ષે શિવરાજ સિંહ પર નિશાન સાધ્યું હતું. 

આ બે મંત્રીઓ છે સિંધિયા સમર્થકો

ઉલ્લેખનીય છે કે તુલસીરામ સિલાવટ અને ગોવિંદ સિંહ રાજપૂતની ગણતરી જ્યોતિરાદિત્ય સિંધિયાના સમર્થકોમાં થાય છે. આ સમયે સ્પષ્ટ છે કે કોંગ્રેસનો સાથ છોડીને ભાજપમાં આવેલા સિંધિયનો સરકારમાં ડબલ રોલ રહ્યો છે. 

રાજ્યપાલે લેવડાવ્યા શપથ

રાજભવનમાં રાજ્યપાલ લાલજી ટંડને તમામ મંત્રીઓને શપથ લેવડાવ્યા અને આ સમયે ભાજપના નેતા અને પૂર્વ કેન્દ્રીય મંત્રી ઉમા ભારતી હાજર રહ્યા હતા.  મધ્યપ્રદેશમાં કુલ 230 સીટ છે. આ સમયે સરકારમાં મુખ્યમંત્રી સહિત કુલ 35 ધારાસભ્યો મંત્રી બની શકે છે. શિવરાજની નવી સરકારમાં સામાજિક સમીકરણ અને ક્ષેત્રીય સંકુલમાં કવાયત જોવા મળી હતી. 

કમલનાથ સરકાર બાદ ફરી પાર્ટીમાં આવ્યા

કમલનાથ અને પૂર્વ સીએમ દિગ્વિજય સિંહે ખટરાગ બાદ જ્યોતિરાદિત્ય સિંધયાના 22 સમર્થક વિધાયોકેએ પણ કોંગ્રેસથી રાજીનામું આપ્યું હતું. જેમાં 6 કેબિનેટ મંત્રી પણ સામેલ હતા. આ કારણે કમલનાથ સરકાર બની નહીં અને શિવરાજ સિંહ ચૌહાણને રાજ્યના સીએમ બનવાનો અવસર મળ્યો. કોંગ્રેસમાંથી રાજીનામું આરનારા સિંધિયાના 22 સમર્થક ધારાસભ્યોએ ભાજપનો સાથ લીધો.