મધ્યપ્રદેશના સાગર સ્થિત બુંદેલખંડ મેડિકલ કોલેજમાં કોરોના વાયરસના દર્દીઓને હોસ્પિટલ પહોંચાડનાર 108 એમ્બ્યુલન્સનો કર્મચારી ભીષણ ગરમીને કારણે ચક્કર ખાઇને જમીન પર પડી ગયો. કર્મચારી કેટલાય સમય સુધી રસ્તા પર પડ્યો રહ્યો તોપણ કોલેજના ડોક્ટર્સ અને સ્ટાફે મદદ ન કરી.
બુંદેલખંડમાં 108 એમ્બ્યુલન્સનો કર્મચારી ભીષણ ગરમીને કારણે બેભાન થઇ પડી ગયો
કર્મચારી કેટલાય સમય સુધી રસ્તા પર પડ્યો રહ્યો, કોલેજના ડોક્ટર્સ અને સ્ટાફે મદદ ન કરી
આટલું જ નહીં જ્યારે કર્મચારીના મોઢામાંથી ફીણ નીકળવા લાગ્યું ત્યારે ત્યાં હાજર સ્ટાફ અને ડૉક્ટર્સ તેને હોસ્પિટલ લઇ જવાની વાત કહેવા લાગ્યા. આ દરમિયાન કર્મચારી લગભગ 25 મિનિટ સુધી જેમનો તેમ પડી રહ્યો. ત્યારબાદ તેને એમ્બ્યુલન્સથી જ જિલ્લાની હોસ્પિટલ લઇ જવામાં આવ્યો.
પ્રાપ્ત જાણકારી મુજબ, સાગરમાં મોતી નગર પોલીસ સ્ટેશન હેઠળ આવતા બુંદેલખંડ મેડિકલ કોલેજની પાસે પેરામેડિકલ સ્ટાફ હીરાલાલ પ્રજાપતિ બુધવારે બપોરે 2 વાગ્યે લગભગ બેભાન થઇને પડી ગયા. એમ્બ્યુલન્સના ડ્રાઇવર બુંદેલખંડ મેડિકલ કોલેજના સ્ટાફ અને ડોક્ટર્સેને તેને દાખલ કરવા માટે વિનંતી કરતા રહ્યા પરંતુ તેમને મદદ ન કરી.
44 ડિગ્રી તાપમાનમાં હીરાલાલ પીપીઇ કિટ પહેરીને 108 એમ્બ્યુલન્સથી બે કોરોના પોઝિટિવ દર્દીઓને ટીબી હોસ્પિટલથી બુંદેલખંડ મેડિકલ કોલેજ શિફ્ટ કરી રહ્યો હતો. એ દરમિયાન તેની સાથે આ ઘટના બની.