મધ્યપ્રદેશમાં કોરોના સંક્રમણના કેસ સતત વધી રહ્યા છે ત્યારે રાજ્યમાં કોરોનાના કેસની સંખ્યા 1308 થઈ છે. મધ્યપ્રદેશમાં લૉકડાઉનમાં એક વ્યક્તિની પોલીસે મદદ કરી ત્ચારે ખરી માનવતા સામે આવી છે. પોલીસે વૃદ્ધ વ્યક્તિ કે જેનો પગ તૂટી ગયો હતો તેમને હોસ્પિટલ સુધી પહોંચાડવામાં મદદ કરી હતી.
મધ્યપ્રદેશમાં લૉકડાઉનમાં છલકાઈ માનવતા
પોલીસે કરી વૃદ્ધ વ્યક્તિની મદદ
પોલીસે વૃદ્ધ વ્યક્તિને હોસ્પિટલ પહોંચવામાં કરી મદદ
કોરોના લૉકડાઉનને કારણે વાહનોની અવરજવરના સાધનો મળી રહ્યા નથી, આ સમયે બે લોકો એક ઘાયલ વૃદ્ધને લારી પર લઈ જતા જોવા મળ્યા, પોલીસે જણાવ્યું કે મેં જોયું કે એક વ્યક્તિ અને મહિલા એક વૃદ્ધ વ્યક્તિને લારીમાં બેસાડીને લઈ જઈ રહ્યા છે. મેં તેમને રોક્યા અને પોતાની ગાડીમાં બેસાડ્યા અને હોસ્પિટલ પહોંચાડ્યા.
કોરોના કાબૂમાં લાવવા લૉકડાઉન જરૂરી
ઉલ્લેખનીય છે કે કોરોનાના ખતરાને જોતાં દેશભરમાં લૉકડાઉનને 3 મહિના માટે વધારી દેવામાં આવ્યું છે. કોરોના નિયંત્રણ માટે આ પગલું લેવામાં આવ્યું છે. રાજ્યમાં હાલ સુધી કોરોનાના કુલ 1308 કેસ સામે આવ્યા છે. ઈંદોર મધ્યપ્રદેશમાં કોરોનાના સૌથી પ્રભાવિત કેસ આવ્યા છે.
કોરોના વાયરસનો પ્રકોપ ઘટવાનુ નામ લેતો નથી, હાલ સુધીમાં દેશમાં કોરોનાનો આંક 14378 થયો છે અને મૃત્યુઆંક 480 પહોંચ્યો છે. જો છેલ્લા 24 કલાકની વાત કરીએ તો દેશમાં 901 નવા કેસ નોંધાયા છે. આ સિવાય હાલ સુધીમાં કુલ 1767 લોકો સારવાર બાદ સાજા થયા છે.