પ્રેરણા / દરરોજ શાળાએ જવા 24 કિમી સાયકલ ચલાવતી આ વિદ્યાર્થીનીનું 10માનું પરિણામ જાણીને ચોંકી જશો

રોશનીના પિતા એક ખેડૂત છે. તેઓ તેમની દીકરીના આ પ્રદર્શનથી ખૂબ ખુશ છે. તેઓ હવે તેમની દીકરી શાળાએ જઈ શકે તે માટે એક કાયમી પરિવહન વ્યવસ્થા કરવા ઈચ્છે છે. રોશની પોતે મોટી થઇને સિવિલ સર્વિસમાં અધિકારી બનવાની ઈચ્છા ધરાવે છે. મધ્યપ્રદેશના ચંબલ વિસ્તારના ભિન્ડ જિલ્લાના અજનોલ ગામમાં રહેતી આ કિશોરીએ 98.75 ટકા સાથે મધ્યપ્રદેશમાં 8મો ક્રમ મેળવ્યો છે. 

પરિવહનની કોઈ વ્યવસ્થા ન હોવાથી દરરોજ 24 કિમી સાયકલિંગ કરવું પડતું

તેમના પિતા પુરુષોત્તમ ભાડોરીયાએ PTI સાથે વાત કરતા કહ્યું હતું કે 8માં ધોરણ સુધી તેમની દીકરી જે શાળામાં ભણતી હતી ત્યાં બસની સેવા હતી પરંતુ ત્યારબાદ તેણે મેહગાઓની એક સરકારી શાળામાં એડમિશન લીધું હતું જ્યાં પરિવહનની કોઈ વ્યવસ્થા ન હોવાથી તેણીએ દરરોજ 24 કિમી સાયકલિંગ કરવું પડતું હતું. 

રોશની રોજ 7 થી 8 કલાક વાંચન કરતી

રોશનીને બે ભાઈઓ પણ છે. તેઓ કહે છે કે આખું ગામ રોશનીની સફળતાથી ખુશખુશાલ છે કારણ કે ગામમાં કોઈએ આવી શૈક્ષણિક સફળતા મેળવી નથી. રોશનીએ પોતાનો અનુભવ કરતા કહ્યું હતું કે તે ઘરે આવીને 7 થી 8 કલાક વાંચન કરતી હતી. તે પોતાનું IAS અધિકારી બનવાનું સપનું પૂરું કરવા માંગે છે. મેહગાઓ સરકારી છાત્રા વિદ્યાલયના પ્રિન્સિપલ હરીશચંદ્ર શર્માએ રોશનીની સિદ્ધિ અને સંકલ્પના વખાણ કર્યા હતા.