પરંપરાગત ખેતીને છોડીને હરદા જિલ્લાના એક સંયુક્ત ખેડૂત પરિવારે બાગાયતી પાકને પસંદ કર્યો. જેનાથી ફક્ત કરોડોમાં કમાણી તો થઈ. પરંતુ અસંખ્ય ખેતમજૂરો માટે રોજગારનું સ્થાયી સાધન પણ બની ગયુ. મધ્ય પ્રદેશના કૃષિ મંત્રી કમલ પટેલે આ ખેડૂત પરિવાર સાથે મુલાકાત કરી અને પત્રકારોની જેમ ખેડૂતનો ઈન્ટરવ્યુ લઇને તેની સફળતાની કહાનીને સમજ્યા અને વખાણ કર્યા.
મધ્ય પ્રદેશના આ ખેડૂતે બાગાયતી પાકને પસંદ કર્યો
ખેડૂતે ટામેટા, કેપ્સિકમ, મરચા અને આદુની ખેતી કરી
કૃષિ મંત્રી કમલ પટેલ ખેડૂતની સફળતાની કહાનીથી થયા વાંકેફ
પ્રગતિશીલ ખેડૂતે ટામેટા, કેપ્સિકમ, મરચા અને આદુની ખેતી કરી
મધુસુદન ધાકડ નામના આ ખેડૂતે ટામેટા, કેપ્સિકમ, મરચા અને આદુની ખેતી કરી છે. આ ખેડૂતે 60 એકરમાં મરચા, 70 એકરમાં ટામેટા અને 30 એકરમાં આદુ ઉગાડ્યુ છે. જેમાંથી સરેરાશ આઠથી 10 લાખ રૂપિયા પ્રતિ એકરે નફો થયો છે. ઘઉં અને સોયાબીન જેવા પારંપરિક પાકને ત્યાગી દીધા છે. મંત્રી સાથેની વાતચીતમાં ધાકડે જણાવ્યું કે ચાલુ વર્ષે તેમણે એકલા 8 કરોડ રૂપિયાના ટામેટા વેચી દીધા છે. સિરકંબા ગામના આ ખેડૂતે જણાવ્યું કે આદુનો ખર્ચ 80 હજાર રૂપિયા પ્રતિ એકર આવ્યો છે. જો ભાવ સારો રહે તો આપણને 5 થી 7 લાખ રૂપિયા પ્રતિ એકરે રિટર્ન મળશે. ખૂબ જ ઓછો ભાવ હશે તો પણ 3 લાખ રૂપિયા પ્રતિ એકરથી વધુ મળશે. લગભગ આઠ મહિનાનો પાક છે. આ રીતે કપરી સ્થિતિમાં પણ ઓછામાં ઓછા સવા બે લાખ રૂપિયા પ્રતિ એકરે ફાયદો મળશે.
ચાલુ વર્ષે આઠ કરોડ રૂપિયાના ટામેટા વેચાયા
ધાકડે જણાવ્યું કે, ચાલુ વર્ષે ટામેટામાં 12 થી 14 લાખ રૂપિયા પ્રતિ એકરે રિટર્ન મળી રહ્યું છે. લગભગ આઠ કરોડ રૂપિયાના ટામેટા વેચાઈ ગયા છે. જ્યારે તેનો ખર્ચ એકર દીઠ 2 લાખ રૂપિયા આવ્યો હતો. મરચાની ખેતીમાં સાત થી આઠ લાખ રૂપિયાનું રિટર્ન આવ્યું છે. અહીં 350 ખેડૂતોને રોજગાર પણ મળ્યો છે.
પારંપરિક ખેતીને છોડવાનો નિર્ણય સાચો સાબિત થયો
પ્રગતિશીલ ખેડૂત મધુસૂદન ધાકડનો પરિવાર સંયુક્ત રીતે ખેતીના કામ સાથે જોડાયેલો છે. છેલ્લાં કેટલાંક વર્ષોથી આ ખેડૂત પરિવારે ખેતીની પદ્ધતિને બદલીને નવુ વલણ અપનાવ્યું છે. આ એક લાભકારી પગલું સાબિત થયુ છે. ઘઉં, ચણા, સોયાબીન જેવી પરંપરાગત ખેતીની જગ્યાએ આ ખેડૂત પરિવારે બાગાયતી પાકને પસંદ કર્યો અને પોતાની દોઢ સો એકર જમીનમાં ટામેટા, મગફળી, મરચા, કેપ્સિકમ અને આદુ ઉગાડીને સમૃદ્ધીનો નવો માર્ગ ખોલ્યો છે. કૃષિ મંત્રી કમલ પટેલ ખેડૂતના પરિવારને મળવા ગયા હતા. જ્યાં તેઓ એક પત્રકારની ભૂમિકામાં દેખાયા હતા.