VIDEO / મધ્ય પ્રદેશ: જિલ્લા પંચાયત કચેરી બહાર હોબાળો: કોંગ્રેસ નેતાઓ અને પોલીસ વચ્ચે થયો ડખો

• ભોપાલ જિલ્લા પંચાયતની કરેચી બહાર ભારે હોબાળો થયો
• કોંગ્રેસ નેતાઓ અને પોલીસ વચ્ચે થયો ડખ્ખો
• પૂર્વ મુખ્યમંત્રી દિગ્વિજય સિંહ અડફેટે ચડ્યા

મધ્ય પ્રદેશની રાજધાની ભોપાલના જિલ્લા પંચાયત કાર્યાલય બહાર પૂર્વ મુખ્યમંત્રી દિગ્વિજય સિંહ અને પોલીસકર્મીઓ વચ્ચે ભારે ધક્કા મુક્કી થઈ હતી. ભોપાલ સહિત કેટલીય જિલ્લા પંચાયત અધ્યક્ષ ચૂંટણી ચાલી રહી છે. જે ભાજપ અને કોંગ્રેસ બંને માટે સાખનો સવાલ છે. ભોપાલની જિલ્લા પંચાયત કાર્યાલય બહાર મોટા પાયે કોંગ્રેસીઓ એકઠા થઈને હોબાળો મચાવ્યો હતો. કોંગ્રેસ નેતાઓનો આરોપ છે કે, સરકારના પ્રેશરમાં પોલીસ અને પ્રશાસન કામ કરી રહ્યું છે. પૂર્વ મુખ્યમંત્રી દિગ્વિજય સિંહ, ધારાસભ્ય આરિફ મસૂદ અને પીસી શર્મા જિલ્લા પંચાયત કાર્યાલયે પહોંચ્યા હતા.  

#WATCH | Congress MP and senior leader Digvijaya Singh entered into a scuffle with Police personnel and held one of them by their collar earlier today in Bhopal, Madhya Pradesh. pic.twitter.com/IgLVvPvyOx

— ANI MP/CG/Rajasthan (@ANI_MP_CG_RJ) July 29, 2022

આ ધક્કા મુક્કી બાદ દિગ્વિજય સિંહે કહ્યું કે, નિયમો અનુસાર કામ થતું નથી, મંત્રી અને ધારાસભ્ય સરકારી મશીનરીનો દુરૂપયોગ કરી રહ્યા છે. અમારા લોકો ખરીદી રહ્યા છે. ધમકાવી રહ્યા છે. જો બધુ જ બરાબર છે, તો આટલી પોલીસ ફોર્સની શું જરૂર છે. અમને અંદર શા માટે નથી જવા દેવામાં આવતા. તો વળી કોંગ્રેસ ધારાસભઅય આરિફ મસૂદે પણ કહ્યુ કે, પોલીસ પ્રશાસન સરકારના પ્રેશરમાં કામ કરી રહ્યું છે. આ મામલે ભાજપના ધારાસભ્ય રામેશ્વર શર્માએ કહ્યું કે, અમે ખિસ્સામાં નાખીને પંચાયતને લઈને નથી ફરતા. જો તેમને કિડનેપ કરવામાં આવ્યા છે, તો તેમના પરિવારના લોકો સામે આવે. તે નાના છોકરાઓ નથી. તેને પણ મોટા મોટા છોકરાઓ છે.

पुलिस संरक्षण में लोकतंत्र की हत्या,
— भोपाल के बीजेपी विधायक मतदान केन्द्र में सदस्य को लेकर घुस रहे हैं, पुलिस इस दुष्कर्म की मददगार बन रही है।

शिवराज जी,
ये नंगा नाच जनता देख रही है। pic.twitter.com/ib4F3aUA2J

— MP Congress (@INCMP) July 29, 2022

અહીં ઉલ્લેખનીય છએ કે, 51માંથી ભોપાલ સહિત 42 જિલ્લા પંચાયત પર ભાજપનો કબ્જો છે. આપને જણાવી દઈએ કે, આ ચૂંટણી સિમ્બોલ પર નથી થતી, ભાજપ અથવા કોંગ્રેસ સમર્થિક લોકો જીતે છે. અહીં કોંગ્રેસ પણ દાવો કરી રહી છે વધારે ઉમેદવાર તેમની પાર્ટીના જીતશે.