કાળી કમાણી / વૈજ્ઞાનિકના ઘરેથી રૂપિયાનો ઢગલો નિકળ્યો: બિંદાસ્ત લાઈફ જીવવાના સપના પર પાણી ફરી વળ્યું, નિવૃતિ પહેલા પોલ ખુલી

• મધ્ય પ્રદેશમાંથી વૈજ્ઞાનિકના ઘરમાં કાળી કમાણી મળી આવી
• પ્રદૂષણ વિભાગના વૈજ્ઞાનિકના સપના રોળાયા
• 25 અધિકારીઓની ટીમે દરોડા પાડ્યા

મધ્ય પ્રદેશના સતનાના કોલગવા પોલીસ સ્ટેશન હદ વિસ્તારમાં આવતા મારુતિ નગરમાં રવિવારે પ્રદૂષણ નિયંત્રણ બોર્ડના વૈજ્ઞાનિક સુશીલ મિશ્રાના ઘરેથી રીવામાં EOWની 25 સભ્યોની ટીમે ભારે માત્રામાં સોના ચાંદીના ઘરેણા સહિત 7 કરોડની સંપત્તિ જપ્ત કરી છે. EOWની કાર્યવાહી સતત ચાલી રહી છે. 

સતનાના મારૂતિ નગરમાં રવિવારે બપોરે તે સમયે હડકંપ મચી ગયો જ્યારે પ્રદૂષણ નિયંત્રણ બોર્ડના વૈજ્ઞાનિક સુશીલ કુમાર મિશ્રાના ઘર પર EOW પર દરોડા પાડ્યા હતા. રીવા EOW એસપીના નિર્દેશન હેઠળ 25 સભ્યોની ટીમ ટીઆઈ મોહિત સક્સેના અને પ્રવીણ ચતુર્વેદીની આગેવાનીમાં દરોડા પાડ્યા હતા. 10 કલાક સુધી ચાલેલી કાર્યવાહીમાં EOW ટીમે અત્યાર સુધીમાં 30 લાખ રોકડા અને 10 લાખના ઘરેણા સહિત સ્માર્ટ સિટીમાં આવેલા 7 એકર ફાર્મ હાઉસ સહિત કુલ 13 દસ્તાવેજો જપ્ત કર્યા છે. 

7 કરોડની બિનવારસી સંપત્તિ જપ્ત

10 કલાક ચાલેલી સર્ચમાં અત્યાર સુધીમાં 7 કરોડની ચલ અચલ સંપત્તિ જપ્ત થઈ છે અને હજૂ સતત સર્ચ ચાલી રહ્યું છે. હેરાન કરનારી વાત એ છે કે, સુશીલ કુમારે 1990માં પ્રદૂષણ વિભાગમાં એક લૈબ ટેક્નિશિયન તરીકે નોકરી જોઈન કરી હતી, 30 વર્ષની નોકરી દરમિયાન EOW એ નોંધાયેલી સંપત્તિ કરતા કેટલીય ગણી વધારે સંપત્તિનું આકલન કર્યું છે, જેની તપાસમાં અત્યાર સુધીમાં 7 કરોડથી વધારેની બિનવારસી સંપત્તિ મળી આવી છે. 

કેટલીય કલમો હેઠળ ગુનો નોંધાયો

હકીકતમાં સુશીલ મિક્ષાએ પ્રદૂષણ વિભાગના વૈજ્ઞાનિકના પદ પર રહીને શહેરમાં પ્રદૂષણ ઓછું કરવાની જગ્યાએ કાળી કમાણી ભેગી કરી લીધી. પરિણામે થોડા વર્ષોમાં નિવૃત થનારા આ વૈજ્ઞાનિક ઝપટે ચડી ગયા હતા. જેના પર અત્યાર સુધીમાં ભ્રષ્ટાચાર નિવારણ અધિનિયમ અંતર્ગત IPCની કલમ 13(1)B, 13(2) અંતર્ગત ગુનો નોંધવામાં આવ્યો છે.