મ.પ્ર માં તમામ 230 બેઠકનું પરિણામ જાહેર કોંગ્રેસ 114 બેઠક સાથે સૌથી મોટી પાર્ટી તરીકે ઊભરી આવી

મધ્યપ્રદેશમાં તમામે તમામ 230 બેઠકનું પરિણામ જાહેર થઈ ચૂક્યું છે. કોંગ્રેસ 114 બેઠક સાથે સૌથી મોટી પાર્ટી તરીકે સામે આવી છે. તો ભાજપના ખાતામાં 109 બેઠક બસપાને 2 સપાને 1 અને અપક્ષના ખાતામાં 4 બેઠક આવી છે. મધ્યપ્રદેશમાં બહુમત માટે 116નો આંકડો જોઇએ. 

કોંગ્રેસ સૌથી મોટી પાર્ટી તરીકે ઉભરી આવી છે અને કોંગ્રેસ દ્વારા સરકાર રચવાનો દાવો થઈ રહ્યો છે.

મધ્યપ્રદેશ ચૂંટણીમાં કોઈ પણ પક્ષને સ્પષ્ટ બહુમત નથી. ત્યારે આજે બંને પક્ષો સરકાર રચવા માટે રાજ્યપાલ સમક્ષ દાવો કરશે. કોંગ્રેસે ગઈ રાતે જ રાજ્યપાલને મુલાકાત માટે પત્ર લખ્યો છે. તો રાજ્યપાલે પણ ચૂંટણી પંચના પરિણામ બાદ મુલાકાતની વાત કરી. જેથી સરકાર રચવા બંને પક્ષોની આજે બેઠક યોજાશે. ભાજપ અને કોંગ્રેસની આજે બેઠક મળશે. ભોપાલમાં કોંગ્રેસ ધારાસભ્યો સાથેની બેઠક મળશે.

5 રાજ્યોમાં વિધાનસભાની ચૂંટણીના પરિણામ 11 ડિસેમ્બરે જાહેર કરી દેવામાં આવ્યા હતા. કોંગ્રેસે એમાં જબરદસ્ત વાપસી કરી છે. 

ત્યારે હવે મધ્યપ્રદેશમાં કોંગ્રેસે સરકાર બનાવવાનો પ્રયત્ન શરૂ કરી દીધો છે. ચૂંટણી પરિણામોથી ગદગદ કમલનાથે બુધવારે કોંગ્રેસને નવનિર્વાચિત ધારાસભયોની બેઠક બોલાવી છે.  આ બેઠક ભોપાલ સ્થિત પ્રદેશ કોંગ્રેસની ઓફિસમાં બુધવાર સાંજે યોજાશે. 

આ ઉપરાંત કોંગ્રેસ માટે માથાનો દુખાવો મુખ્યમંત્રીનો તહેરો નક્કી કરવો છે એટલા માટે માનવામાં આવી રહ્યું છે કે આ બેઠકમાં સીએમના ચહેરા પર મહોર લાગશે.