પતિ તેની પત્ની સાથે સંબંધ બાંધતી વખતે બટકા ભરતો હતો. જેથી પત્નીએ તેની સામે કેસ કર્યો હતો. જે મામલે મધ્યપ્રદેશની કોર્ટે પતિના નકલી દાંત જપ્ત કરી દેવા પોલીસને આદેશ આપ્યો છે.
મધ્યપ્રદેશની કોર્ટે આપ્યો ચોંકાવનારો આદેશ
પતિ સંબંધ બાંધતા પત્નીને બટકા ભરતો હતો
કોર્ટે તેના નકલી દાંત જપ્ત કરવા પોલીસને આપ્યો આદેશ
મધ્યપ્રદેશના ઈન્દોરમાં એક ચોંકવાનારો કિસ્સો સામે આવ્યો છે. અહીયા એક 67 વર્ષીય પતિ તેનાથી 27 વર્ષ નાની પત્ની સાથે સબંધ બાંધતી વખતે તેને દાંત મારતો હતો. જેથી કોર્ટ દ્વારા તેના નકલી દાંત કાઢી લેવાનો ચુકાદો આપવામાં આવ્યો છે. જેને લઈને સૌ કોઈ આશ્ચર્યમાં મુકાઈ ગયા છે.
નકલી દાંત જપ્ત કરવા પોલીસને આપ્યો આદેશ
ગત ડિસેમ્બર મહિનામાં પત્નીએ તેના પતિ સામે કેસ કર્યો હતો. પત્નીએ એવા આક્ષેપ કર્યા હતા કે પતિ સબંધ બાંધતી વખતે તેને બટકા ભરે છે. જેથી કોર્ટે ગંભીર અપરાધ માનીને પતિની ધરપકડ કરવાના પણ આદેશ આપ્યા છે. સાથેજ પોલીસને એવા આદેશ પણ આપ્યા છે કે આરોપી પતિના નકલી દાંત જપ્ત કરવામાં આવે
પત્નીએ ઈજાના ફોટા કોર્ટમાં રજૂ કર્યા
આરોપી પતિ ગુજરાતનો હોવાનું સામે આવ્યું છે. પત્નીને ગંભીર ઈજા પહોચતા તેણે તે ઈજાના ફોટા પાડીને કોર્ટ સમક્ષ રજૂ કર્યા હતા. કોર્ટે જ્યારે પુરાવાઓ જોયા ત્યારે આરોપીને તુરંત હાજર કરવા માટે આદેશ આપ્યા. પત્નીએ તેની ફરિયાદમાં તે વાતનો સ્પષ્ટ ઉલ્લેખ કર્યો હતો કે આરોપી પતિ તેના નકલી દાંતથી તેને બટકા ભરે છે. જેના કારણે તેને ગંભીર ઈજાઓ પહોચી છે.
પહેલી પત્નીનું કોરોનાને કારણે મોત
સમગ્ર મામલે પત્નીએ એ વાતનો પણ ખુલાસો કર્યો છે કે આરોપીની પહેલી પત્નીનું કોરોનાને કારણે મોત થયું હતું. બાદમાં તેણે બીજી વખત તેની સાથે લગ્ન કર્યા. પત્નીના કહેવા પ્રમાણે પતિએ લગ્નની પહેલી રાતેજ ખોટી રીતે તેની સાથે સંબંધો બાધ્યા હતા.
ફરિયાદ થયા બાદ આરોપી ફરાર
ઉલ્લેખનિય છે કે પતિના ત્રાસને કારણે પત્ની પછી 7 ડિસેમ્બરના રોજ ગુજરાતથી પરત ઈન્દોર આવી ગઈ અને તેણે તેના પતિ સામે કેસ દાખલ કર્યો હતો. જોકે પત્નીએ જ્યારે કેસ દાખલ કર્યો ત્યારબાદથી તેનો પતિ ફરાર છે. જેથી કોર્ટ દ્વારા હવે આદેશ આપવામાં આવ્યો છે કે પતિને હાજર કરવામાં આવે. સાથેજ પોલીસને તેના નકલી દાંત જપ્ત કરવા પણ આદેશ આપ્યો છે.