ના હાય / ધારાસભ્યને અડધી રાત્રે થયો આવો અનુભવ, અજાણી મહિલાએ વીડિયો કોલ કરી અશ્લિલ હરકતો કરી અને...

• અજાણી મહિલાએ અડધી રાત્રે વીડિયો કોલ કરી અશ્લિલ હરકતો કરી  
• ધારસભ્યને બ્લેક મેલ કરવાનો પ્રયત્ન કર્યો 
• પોલીસે ફરિયાદ દાખલ કરીને તપાસ હાથ ધરી

મધ્યપ્રદેશના છતપુર જિલ્લાના કોંગ્રેસ ધારાસભ્યએ એક અજાણી મહિલા વિરૂદ્ધ ફરિયાદ નોંધાવી છે. અજાણી મહિલાએ અડધી રાત્રે ધારાસભ્યને વીડિયો કોલ કરીને અશ્લિલ હરતો કરી કરી અને બાદમાં આ વીડિયો દ્વારા તેમને બ્લેક મેલ કરવાનો પ્રયત્ન કર્યો છે. પોલીસ DSP શશાંક જૈને જણાવ્યું કે છતરપુર જિલ્લાના મહારાજપુર વિધાનલભા સીટના ધારાસભ્ય નીરજ દીક્ષિતની ફરિયાદ પર  પોલીસે તપાસ હાથ ધરી છે. 

અડધી રાત્રે વીડિયો કોલ કરીને બ્લેકમેલ કર્યું 
પોલીસ DSP શશાંક જૈને જણાવ્યું કે, "દીક્ષિતે ગઢી પોલીસ સ્ટેશનમાં ફરિયાદ દાખત કરતા જણાવ્યું કે એક અજાણી મહિલાએ તેના ખાનગી નંબર પર અડધી રાત્રે તેને વીડિયો કોલ કર્યો. મહિલા કથિત રીતે અશ્લિલ હરકતો કરવા લાગી અને તેના આધાર પર તેને બ્લેકમેલ કરવાનું શરૂ કરી દીધુ." 

આ મામલે પોલીસ તપાસ શરૂ કરી દેવામાં આવી છે 
મહિલાએ બ્લેક મેલ કરીને પૈસા કે કોઈ અન્ય વસ્તુઓની માંગ કરી છે કે નહીં તે હજુ સુધી જાણવા મળ્યું નથી. DSPએ જણાવ્યું કે મામલાની તપાસ ચાલી રહી છે. ફરિયાદના આધાર પર અજાણી મહિલા વિરૂદ્ધ કલમ 385 અને અન્ય સંબંધિત કલમો હેઠળ ફરિયાદ દાખલ કરવામાં આવી છે.