રાજનીતિ / મ.પ્ર રાજકીય સંકટ વચ્ચે ભાજપના ધારાસભ્યોને ભોપાલથી શિફ્ટ કરાયા, કમલનાથનો ભય કે પછી...

• મધ્ય પ્રદેશમાં રાજકીય સંકટ યથાવત
• ભાજપના ધારાસભ્યોને ભોપાલથી કરાયા શિફ્ટ
• કોંગ્રેસે પણ સરકાર બચાવવા હાથ ધરી કવાયત 

મધ્ય પ્રદેશમાં રાજકીય ગરમાવા વચ્ચે ભાજપના ધારાસભ્યોને ભોપાલથી ખસેડવાની કામગીરી હાથ ધરી છે. મંગળવારે રાત્રે 9.30 વાગ્યે બે બસ ભાજપના ધારાસભ્યો માટે રવાના થઈ હતી અને તમામ 106 ધારાસભ્ય ભોપાલ એરપોર્ટ પહોંચ્યા હતા. આ સાથે જ તેમને દિલ્હી લઇ જવામાં આવી શકે છે. જો કે ભાજપના ધારાસભ્યોનું કહેવું છે કે તેઓ હોળીની ઉજવણી કરવા જઇ રહ્યા છે.

#MadhyaPradesh BJP leader Gopal Bhargava: I am going to Delhi with all other party MLAs. https://t.co/3AhzyQ5NV8 pic.twitter.com/f2vlhIoAyT

— ANI (@ANI) March 10, 2020

સરકાર બચાવવા કોંગ્રેસે શરૂ કરી કવાયત 

મધ્યપ્રદેશમાં સરકાર બચાવવા કોંગ્રેસે કવાયત હાથ ધરી છે. સરકાર બચાવવા દિલ્લી હાઈકમાન્ડ પ્રભારીઓને ભોપાલ મોકલશે. ગુજરાતથી MP પ્રભારી દિપક બાબરીયા ભોપાલ જશે. આવતીકાલે બપોર બાદ દિપક બાબરીયા સહિત 3 પ્રભારી ભોપાલ જવા રવાના થશે અને કોંગ્રેસના ધારાસભ્યો સાથે પણ બેઠક કરશે. 

#MadhyaPradesh: Buses carrying Bharatiya Janata Party MLAs reach Bhopal Airport. https://t.co/6wPszkY7Kx pic.twitter.com/aXumIMQMNG

— ANI (@ANI) March 10, 2020

તેમજ સરકાર બચાવવા નવી રણનીતિ નક્કી કરવામાં આવશે. તો બીજી તરફ MP કોંગ્રેસની ધારાસભ્યદળની બેઠકમાં કમલનાથે ઈન્દિરા અને રાજીવ ગાંધીને યાદ કર્યા હતા અને કહ્યું કે,આ સમય ફરી સંકટનો છે. આપણી સાથે આપણા લોકોએ જ વિશ્વાસઘાત કર્યો છે.

22 ધારાસભ્યોએ પણ સ્પીકરને રાજીનામુ મોકલી દીધું

સિંધિયાના રાજીનામા બાદ તેમના સમર્થક જુથમાંથી 22 ધારાસભ્યોએ પણ સ્પીકરને રાજીનામુ મોકલી દીધું છે. કોંગ્રેસના આ બળવાખોર 22 ધારાસભ્યોમાંથી 6 રાજ્ય મંત્રી પણ છે. આ તમામ કર્ણાટક સ્થિત બેંગલુરુના રિસોર્ટમાં હતા. જેઓએ સિંધિયાના રાજીનામાના થોડા જ સમય બાદ રાજીનામુ આપ્યું છે. 

બિસાહુ લાલ સિંહે તો ધારાસભ્ય પદેથી રાજીનામુ આપવાની સાથે કોંગ્રેસ પણ છોડી દીધી છે અને તેઓ બીજેપીમાં સામેલ થઇ ગયા છે. ધારાસભ્યોના રાજીનામા બાદ બીજેપી નેતા વિધાનસભા સ્પીકરને મળ્યા.