વરસાદ / હિમાચલમાં આભ ફાટ્યું, ગુજરાત અને MP-રાજસ્થાન માટે 24 કલાક ભારે

હવામાન વિભાગે એલર્ટ જાહેર કરતાં કહ્યું છે કે સેન્ટ્રલ મધ્યપ્રદેશ અને રાજસ્થાનના કેટલાક ભાગમાં ઓછું પ્રેશર રહેશે. જેના કારણે આ વિસ્તારોમાં ભારે વરસાદની સંભાવના રહે છે. વેધર એજન્સી સ્કાઈ મેટના આધારે એક પશ્ચિમી વિક્ષોભ જમ્મૂ કાશ્મીર અને તેની ઉપરના ભાગ પર પણ જોવા મળે છે. જો કે તેનો પ્રભાવ ઓછો છે. આ સિવાય દક્ષિણ ગુજરાત અને તેની આસપાસના પૂર્વી અરબ સાગર પર પણ ચક્રવાતી હવાનું જોર વધી રહ્યું છે જે ભારે નુકસાન પહોંચાડી શકે છે.

હિમાચલમાં ભારે વરસાદથી સ્થિતિ ખરાબ
ભારે વરસાદના કારણે શિમલાના બડહલ ગામમાં રાષ્ટ્રિય રાજમાર્ગ-5 પર વાહનવ્યવહાર ખોરવાયો છે. સાથે ચંબામાં પણ ભારે વરસાદના કારણે ભારંગલા નાલા પાસે પુલ વહી ગયો છે. સોમવારે સવારે અહીં 4 વાદળ ફાટવાના કારણે ભારે નુકસાન થયું હતું. કેટલાક વાહનો નુકસાન પામ્યા છે તો કેટલાક કાટમાળમાં દબાઈ ગયા છે.

24 કલાકમાં અહીં પડશે ભારે વરસાદ
સ્કાઈ મેટના અનુસાર અક્ષીય રેખા રાજસ્થાનથી બંગાળની ખઆડી સુધી છે જે શ્રીગંગાનગર, અલવર, સતના, અંબિકાપુરી અને ઉત્તરી ઓડિશાથી પસાર થશે. જેના કારણે આવનારા 24 કલાકમાં દશ્રિણ-પશ્ચિમ મધ્યપ્રદેશ, પૂર્વી ગુજરાત અને ઉત્તરી મહારાષ્ટ્રમાં અનેક જગ્યાઓએ વરસાદની સંભાવના છે. આ ઉપરાંત કેરળ, અંડમાન અને નિકોબાર દ્વીપસમૂહમાં મૂશળધાર વરસાદ થઈ શકે છે. 

ગુજરાતમાં પણ વરસાદની આગાહી

હવામાન વિભાગ દ્વારા આગામી 48 કલાક રાજ્યમાં ભારે વરસાદની આગાહી કરવામાં આવી છે. ત્યારે આગામી 24 કલાક ભારે છે એમ કહેવાય છે. મધ્ય અને દક્ષિણ ગુજરાતમાં ભારે વરસાદ થઈ શકે છે. સુરત, વલસાડ, નવસારીના વિસ્તારોમાં વરસાદ રહેશે. વડોદરા, છોટાઉદેપુર, આણંદ અને ખેડામાં પણ વરસાદ થશે. મધ્ય અને દક્ષિણ ગુજરાતમાં થઈ શકે ભારે વરસાદ. ઉત્તર ગુજરાત અને સૌરાષ્ટ્રના જિલ્લાઓમાં રહેશે. વરસાદ કચ્છ જિલ્લાના વિસ્તારોમાં રહેશે દિવસભર વરસાદી માહોલ.

ફોટો સૌજન્ય - Twitter.com