આ રાજ્યમાં પેટ્રોલ-ડિઝલ ખરીદો અને મફતમાં મેળવો લેપટૉપ AC અને બાઇક

પેટ્રોલ-ડિઝલ ભરાઓ અને ઇનામમાં મેળવો બાઇક લેપટોપ AC અને વૉશિંગ મશીન ફ્રી.. જી હા આવી લોભામણી ઑફર ખુદ પેટ્રોલ પંપના માલિકો જ આપી રહ્યા છે. VATના કારણે વધતા પેટ્રોલ-ડિઝલના ભાવમાં પડતા તફાવત વચ્ચે વેચાણ ટકાવી રાખવા માટે પેટ્રોલ પંપના માલિકો ગ્રાહકોને આ ઑફર આપી રહ્યા છે. 

તમને જણાવી દઇએ કે મધ્ય પ્રદેશમાં પેટ્રોલ-ડિઝલ પર સૌથી વધારે VAT લાગે છે જે દેશભરમાં સૌથી મોંઘા રાજ્યોની શ્રેણીમાં આવે છે. અહીં પેટ્રોલ-ડિઝલના ભાવ VATને લીધે વધારે હોવાના કારણે ટ્રક તેમજ કોમર્શિયલ વાહન ચલાવતા લોકો MPના બદલે રાજ્યની સરહદ પારના વિસ્તારોમાં ટાંકી ફૂલ કરાવીને આવે છે ત્યાં સુધી સ્થાનિકો પણ રાજ્યના પેટ્રોલ પંપના બદલે MP બોર્ડરની નજીક આવેલા પેટ્રોલ પંપમાં જઇને પેટ્રોલ-ડિઝલ ભરાવે છે.

એક પેટ્રોલ પંપના માલિક અનુસાર ''100 લિટર ડિઝલ ખરીદવા પર ટ્રક ડ્રાઇવરને નાશ્તો અને ચા મફતમાં કરાવવામાં આવે છે.'' આ સાથે જ તેમને આગળ કહ્યુ કે ''5000 લિટર ઇંધણ ખરીદવા પર મોબાઇલ સાઇકલ અને કાંડા ઘડિયાળ આપવામાં આવી રહી છે જ્યારે 15000 લિટર ખરીદવા પર કબાટ સોફા સેટ અને 100 ગ્રામનો સિલ્વર કૉઇન આપવામાં આવી રહ્યો છે. 25000 લિટર ડિઝલ ખરીદવા પર ગ્રાગકોને ઑટોમેટિક વૉશિંગ મશીન 50000 લિટર ડિઝલ પર સ્પ્લિટ AC અને લેપટોર જ્યારે 1 00 000 લિટર ડિઝલ ખરીદવા પર સ્કૂટર અથવા તો મોટરસાઇકલ ઑફર કરી રહ્યા છીએ.''

પેટ્રોલ પંપના માલિકે આગળ જણાવ્યુ કે ''નવી ઑફર પછી વેચાણમાં વધારો થયો છે. ડિસ્કાઉન્ટ મેળવવા માટે ડ્રાઇવર 100 લિટર પેટ્રોલ ખરીદી રહ્યા છે. તો બીજા એક પેટ્રોલ પંપના માલિકે જણાવ્યુ કે શિવપુરી અને અશોકનગર જેવા સરહદી જિલ્લમાં 125 પેટ્રોલ પંપ માલિક ડિઝલની કિંમતમાં 5 રૂપિયાનો પ્રતિ લિટર ફકર હોવાના કારણે મુશ્કેલીઓમાં છે.''
 
પેટ્રોલ પંપના માલિકોનું કહેવું છે કે ''મધ્ય પ્રદેશમાં ડિઝલ પર 22% અને પેટ્રોલ પર 27% VAT લગાવવામાં આવે છે. એવામાં રાજ્ય સરકારે ટેક્સ ઘટાડીને તેમણે રાહત આપવી જોઇએ.''