VIDEO / આ રાજ્યમાં મેઘરાજાએ ધર્યુ રૌદ્ર રૂપ, CMએ PM મોદી પાસે સેનાની મદદ માંગી

• મધ્યપ્રદેશ, રાજસ્થાનમાં વરસાદી કહેર 
• મધ્યપ્રદેશના શિવપુરીમાં વરસાદી તાંડવ
• રાજસ્થાનના કોટામાં પાણી-પાણી
• બંને રાજ્યોના અનેક વિસ્તારોમાં ભારે પૂર
• કોરોનાકાળમાં જળપ્રલયથી ભારે તબાહી 

રાજસ્થાન અને મધ્યપ્રદેશના ઘણા વિસ્તારો જળપ્રલયને કારણે પાણીથી લથબથ છે. પૂરના પાણીના કહેરને લીધે રણપ્રદેશ રાજસ્થાન અને મધ્યપ્રદેશના ઘણા વિસ્તારો પાણીમાં ડૂબી ગયા છે. મધ્યપ્રદેશના શિવપુરી તેમજ અન્ય વિસ્તારોમાં વરસાદે કહેર મચાવ્યો છે તો રણભૂમિ રાજસ્થાનના કોટામાં પણ વરસાદી પાણીએ તબાહી મચાવી છે.

@IAF_MCC today has continued its efforts to provide relief to the people of the flood affected area of Shivpuri district in Madhya Pradesh. Helicopters have airlifted 37 people from Narwar & Sunari areas to safer locations. #HarKaamDeshKeNaam pic.twitter.com/qdpI6Mvio5

— PRO Defence Palam (@DefencePROPalam) August 4, 2021

મધ્યપ્રદેશમાં મેઘરાજા કોપાયમાન 
મધ્યપ્રદેશનું શિવપુરીમાં પૂરથી પાણી પાણી છે, શિવપુરીના કોલારસમાં ભારે વરસાદ પછી રસ્તાઓ નદી અને દરિયા જેવા બની ગયા. અંદાજ લગાવવો મુશ્કેલ છે કે ક્યાં ખાડો છે અને ક્યાં રસ્તો. પાણીના તેજપ્રવાહની વચ્ચે જીવ જોખમમાં નાખીને લોકો કોલોનીથી બહાર નીકળી રહ્યા છે, પૂરના પાણીએ કહેર મચાવી દીધો છે. 

A herd of cattle drowned along flowing water in Madhya Pradesh’s #Shivpuri#flood #Rain #MadhyaPradesh pic.twitter.com/6Vr0iMiQVj

— Amit Sahu (@amitsahujourno) August 4, 2021

સેના ઉતરી મેદાનમાં 
પુરની પરિસ્થિતીનો સામનો કરવા માટે NDRF, SDRF અને વાયુસેનાની ટીમો રેસ્ક્યૂ ઓપરેશનમાં જોડાઈ છે. શિવપુરીની ઉપર સતત વાયુસેનાના હેલિકોપ્ટર ચક્કર લગાવી રહ્યા છે. સતત વરસાદને કારણે રેસ્ક્યૂ ઓપરેશનમાં પણ અડચણ આવી રહી છે. શિવપુરીના પોહરી તાલુકામાં પાર્વતી નદીમાં આવેલાં પુરને કારણે ગ્રામજનો ટાપુ પર ફસાઈ ગયા હતાં. રેસ્ક્યૂ ઓપરેશનમાં 2 હજારથી વધુ લોકોને બહાર કાઢવામાં આવ્યા હતાં. 

Madhya Pradesh: The villages in Shivpuri, Sheopur, Datia, Gwalior, Bhind were affected due to excessive rains and floods.

Rescue operations by the SDRF and NDRF teams is underway. pic.twitter.com/MavitWPk6V

— Prasar Bharati News Services पी.बी.एन.एस. (@PBNS_India) August 4, 2021

NDRFની એક બસ શિવપુરીથી નર્વર જતી હતી ત્યારે પલટી જતાં માંડ-માંડ બચી. બસનુ એકબાજુનુ વ્હીલ રસ્તા પરથી ઉતરી ગયું, પરંતુ બસ એક મોટા પથ્થરને કારણે પલટી જતાં અટકી ગઈ. બાદમાં આ બસને ટ્રેકટરથી ખેંચવાની કોશિષ કરાઈ. ભારે જહેમત બાદ બસને બહાર કઢાઈ. 

Madhya Pradesh CM @ChouhanShivraj takes aerial review of flood affected areas. pic.twitter.com/4ZZVuC7w2J

— Prasar Bharati News Services पी.बी.एन.एस. (@PBNS_India) August 4, 2021

પૂરનાં ભયમાં છે અનેક ગામડાઓ 
શિવપુરીના સિંધ નદી પર બનેલાં અટલ સાગર ડેમ પાણીથી ભરપૂર થઈ ગયો છે. ડેમના દસ દરવાજા ખોલી નાંખવામાં આવ્યા છે, 10 ગેટમાંથી પાણીની જલધારા તાંડવ મચાવીને આગળ વધી રહી છે. જેને લીધે આસપાસના ગામોમાં પૂરનો ખતરો મંડરાયેલો છે. મુખ્યમંત્રી શિવરાજ સિંહે પણ પ્રધાનમંત્રી મોદી સાથે વાત કરીને સેનાની મદદ માંગી છે. 

રાજસ્થાનના કોટામાં પણ વરસાદે કહેર મચાવ્યો છે કોટાની બજારોમાં પાણી ઘૂસી ગયું છે. છેલ્લાં ત્રણ ચાર દિવસોમાં એવો મુશળધાર વરસાદ થયો કે આખો વિસ્તાર પાણી-પાણી થઈ ગયો. બજારમાં એટલું પાણી ભરાયું કે જાણે પૂર આવ્યું હોય, પાણીથી લબાલબ રસ્તા પર ચાલવું જોખમથી ખાલી નથી. 

રાજસ્થાનમાં પણ જળપ્રલય 
સતત વરસાદને કારણે કોટા જિલ્લામાં ઘણી જગ્યાએ કોલોનીઓમાં પાણી ભરાઈ ગયા. જેથી લોકો પોતાના ઘરોમાં ફસાઈ ગયા, બાદમાં તેને રેસ્ક્યૂ કરીને બચાવાયા. નગરપાલિકાની ટીમ રેસ્ક્યૂ કરવા પહોંચી ત્યારે ઘરની બાલ્કનીમાં ફસાયેલાં લોકો જલદી બચાવવા માટે ઈશારો કરવા લાગ્યા. તો ટોંકમાં જિલ્લામાં ભારે વરસાદ પડતાં પૂરની પરિસ્થિતી સર્જાઈ હતી. ટોંકમાં ભારે વરસાદ પાણી પાણી વહેતા થયા હતાં. રહેણાંક વિસ્તારોમાંથી પાણી વહેતા લોકોને ભારે હાલાકી પડી હતી. લોકોના ઘરમાં પણ વરસાદી પાણી ઘુસી ગયા હતાં. 

આમ, રાજસ્થાન અને મધ્યપ્રદેશના ઘણા વિસ્તારો જળપ્રલયને કારણે પાણીથી લથબથ છે. પૂરના પાણીના કહેરને લીધે રણપ્રદેશ રાજસ્થાન અને મધ્યપ્રદેશના ઘણા વિસ્તારો પાણીમાં ડૂબી ગયા છે. ત્યારે તે માટે રાહતકાર્ય પણ તેજ બન્યું છે. હવે કુદરત ખમૈયા કરે તો રાહત લોકોને વરસાદી કહેરથી રાહત મળે તેમ છે.