કોરોનાનો કહેર / આ ટીવી શો પર એકસાથે 18 લોકોને કોરોના થતાં મચ્યો ખળભળાટ

• માધુરી દીક્ષિતના શો ડાન્સ દીવાનેમાં કોરોનાની લહેર
• એકસાથે 18 લોકો થયા કોરોના સંક્રમિત
• સેટ પર જોવા મળ્યો ખળભળાટ
   

આ દિવસોમાં એક તરફ કોરોના વેક્સીન આપવાનો કાર્યક્રમ ચાલી રહ્યો છે ત્યારે અન્ય તરફ કોરોનાના કેસ અટકવાનું નામ લઈ રહ્યા નથી. હાલમાં ટીવીની એક જાણીતી ડાન્સ રિયાલિટી શો પર કોરોનાનો કહેર જોવા મળ્યો છે. અમે વાત કરી રહ્યા છીએ માધુરી દીક્ષિતના શો ડાન્સ દીવાનેના સીઝન 3ની. અહીં એક સાથે 18 લોકોને કોરોના થયો છે. મીડિયા રિપોર્ટનું માનીએ તો આ શોના કારણે લોકોમાં ડરનો માહોલ છે. આ શો માધુરી દીક્ષિત સહિત ધર્મેશ યેલાંડે અને તુષાર કાલિયા હોસ્ટ કરે છે. 

 
18 ક્રૂ મેમ્બર્સ થયા પોઝિટિવ
એક રિપોર્ટ અનુસાર માધુરી દીક્ષિતના શો ડાન્સ દીવાનેના સીઝન 3ના 18 ક્રૂ મેમ્બર્સ કોરોના પોઝિટિવ આવ્યા છે. કોરોના સંક્રમિત લોકો ગોરેગાંવના સેટ પર આવતા હડકંપ મચ્યો છે. આ કેસમાં FWICEના જનરલ સેક્રેટરી અશોક દુબેએ કહ્યું કે જે પણ થયું તે સારું નથી. અમે પ્રાર્થના કરીએ છીએ કે સંક્રમિત ઝડપથી સાજા થાય. તેઓએ કહ્યું છે કે આ શો પોતાની કાસ્ટ અને ક્રૂના પહેલા જ ટેસ્ટ કરાવી લે છે. પણ સાથે નવા ક્રૂ માટે સમય છે. શોનું અન્ય શૂટ 5 એપ્રિલે છે. એક તરફ ફરીથી પ્રી ટેસ્ટ કરાવાશે. જો તેઓ કોરોના નેગેટિવ હશે તો જ તેમને પરમીશન અપાશે. આ પછી પણ અનેક સાવધાની રખાશે.  

 
ઉલ્લેખનીય છે કે છેલ્લા કેટલાક દિવસોથી બોલિવૂડથી લઈને ટીવી ઈન્ડસ્ટ્રીના અનેક સેલેબ્સ કોરોના પોઝિટિવ આવ્યા છે. અનેકે કોરોનાને માત આપી છે અને સાથે સાજા થઈને કામ પર પરત ફર્યા છે. હવે જોવાનું એ છે કે સેટ પર જે થયું તેનું પરિણામ શું આવશે.