OMG! / સાત પીઢીમાં પહેલીવાર દીકરી અવતરી, માતા-પિતા ગિફ્ટ કરી દીધો ચાંદનો ટુકડો

• બિહારમાં અનોખો કિસ્સો 
• દિકરીના નામે કરી જમીન 
• સાત પેઢીમાં પહેલી દિકરી જન્મી

બિહારના મધુબની જિલ્લામાં એક ડૉક્ટર દંપતીએ પોતાની દીકરીના જન્મને યાદગાર બનાવવા અને દીકરીઓ પ્રત્યે સમાજને સકારાત્મક સંદેશ આપવા માટે એક અનોખી પહેલ કરી છે. પરિવારે તેમની દીકરીને તેના 10માં જન્મદિવસ પર એક અનોખી ભેટ આપી છે. 

ઝાંઝરપુરના આરએસ બજાર વિસ્તારમાં રહેતા ડો. સુરવિન્દુ ઝા અને ડો. સુધા ઝાએ તેમની પુત્રી આસ્થા ભારદ્વાજને ચંદ્ર પર એક એકર જમીન (લેન્ડ ઓન મૂન) માટે રજીસ્ટ્રેશન કરાવ્યું છે. ઝાંઝરપુરમાં પ્રાઈવેટ નર્સિંગ હોમ ચલાવતા ડૉક્ટર સુરવિન્દુ ઝા કહે છે કે આસ્થા ભારદ્વાજ તેમના પરિવારની પહેલી દીકરી છે.

સાત પેઢીમાં પહેલી દિકરીનો જન્મ 
સુરવિન્દુએ કહ્યું કે દીકરીઓ કોઈપણ પરિવારનું માન અને સન્માન હોય છે, પરંતુ લગભગ સાત પેઢીઓથી તેમના પરિવારમાં દીકરીઓનો જન્મ ન હતો થયો. તેથી જ્યારે તેમના ઘરે આસ્થાનો જન્મ થયો ત્યારથી પરિવાર ખૂબ જ ખુશ છે. તેથી, આ ખુશીને ખાસ બનાવવા માટે, અમે ચંદ્ર પર જમીન ખરીદીને અમારી પુત્રીને ભેટ આપી છે.

ચંદ્ર પર ભેટ કરી જમીન 
ડૉક્ટર સુરવિન્દુ ઝાના જણાવ્યા અનુસાર, પુત્રીને ચંદ્ર પર જમીન ખરીદવાની પ્રક્રિયા પૂર્ણ કરવામાં લગભગ દોઢ વર્ષનો સમય લાગ્યો હતો. સૌપ્રથમ, તેણે લુના સોસાયટી, કેલિફોર્નિયા, યુએસએની વેબસાઇટ પર અરજી કરી, ત્યારબાદ તમામ કાગળની કાર્યવાહી પૂર્ણ કર્યા પછી અને પેપાલ એપ્લિકેશન દ્વારા ચૂકવવામાં આવેલી જમીનની કિંમત અને નોંધણી ફીની રકમ મેળવીને, 27 જાન્યુઆરી, 2022 ના રોજ સ્પીડ પોસ્ટ દ્વારા ચંદ્ર પર જમીન રજીસ્ટર્ડ કરાવવાના પેપર્સ મળ્યા.