ભાજપ દ્વારા વડોદરાનાં દબંદ ધારાસભ્યની દબંગાઈને શરણે ન થઈ અન્ય ઉમેદવારને ટિકિટ આપી છે. ત્યારે દબંગ નેતા દ્વારા વાઘોડિયાના સ્થાનિક લોકો તેમજ કાર્યકરો સાથે ચર્ચા કર્યા બાદ મોડી સાંજે તેઓએ અપક્ષ ઉમેદવારી નોંધાવવાનું નક્કી કર્યું છે.
ટીકિટ કપાયા બાદ મધુ શ્રીવાસ્તવની મહત્વની જાહેરાત
વાઘોડિયા બેઠક પર અપક્ષ ઉમેદવારી નોંધાવશે મધુ શ્રીવાસ્તવ
મહાદેવ તળાવ નજીક મધુ શ્રીવાસ્તવની ઑફિસમાં મળી હતી બેઠક
ચૂંટણી લડવા અંગે બેઠકમાં મધુ શ્રીવાસ્તવે અપક્ષ ઉમેદવારીનો કર્યો નિર્ણય
ભાજપ દ્વારા વડોદરાની વાઘોડિયા સીટ પરથી દબંગ ધારાસભ્ય મધુ શ્રીવાસ્તવની શરણાગતિ નહિ માની તેની સામે જીલ્લા પ્રમુખને ટિકિટ આપવામાં આવતા સમગ્ર મામલો દિવસભર ટોક ઓફ ધ ટાઉન બન્યા હતો. ત્યારે મધુ શ્રીવાસ્તવ અપક્ષ ઉમેદવારી નોંધાવશે કે નહિ તે બાબતે તેઓએ કાર્યકરો જેમ કહેશે તેમ કરીશ તેવું કહ્યું હતું. ત્યારે મોડી સાંજ મધુ શ્રીવાસ્તવ દ્વારા અપક્ષ ઉમેદવારી નોંધાવવાની જાહેરાત કરતા સમગ્ર મામલો હવે ચર્ચાનો વિષય બનવા પામ્યો છે.
વાઘોડિયા સીટ પર અપક્ષ ઉમેદવારી નોંધાવવાની ચીમકી
વડોદરામાં દબંગ ધારાસભ્યની છાપ ધરાવતા વાઘોડિયા મધુ શ્રીવાસ્તવ જેઓ અવાર નવાર તેઓની વિવાદિત નિવેદનોને લઈને ચર્ચામાં આવતા હોય છે. જેઓને ટિકિટ ન આપી ભાજપ દ્વારા જીલ્લા પ્રમુખ અશ્વિન પટેલને ટિકિટ આપતા મામલો ગરમાયો હતો. ત્યારે સાંજના સુમારે મહાદેવ તળાવ નજીક આવેલ મધુ શ્રીવાસ્તવની ઓફીસે બેઠક મળી હતી. જે બેઠકમાં નિર્ણય કરવામાં આવ્યો કે મધુ શ્રીવાસ્તવ અપક્ષ ઉમેદવારી નોંધાવશે. વધુમાં તેમણે જણાવ્યું હતું કે વર્ષો થી પાર્ટીએ કામ કર્યું પણ પાર્ટી એ મારી કદર ના કરી. આ નિર્ણય કાર્યકર્તાઓ સાથેની મીટીંગ બાદ લીધો છે. ત્યારે તેમણે પક્ષને ફેર વિચારણા કરવા કહ્યું છે.
છેલ્લા 6 ટર્મથી આ બેઠક પર શ્રીવાસ્તવનો દબદબો
વાઘોડિયા વિધાનસભા બેઠક વડોદરા જિલ્લામાં આવેલી છે અને વડોદરા લોકસભા બેઠક હેઠળ આવે છે. આ બેઠક પર 1962થી 1985 કોંગ્રેસનો કબજો હતો. જે બાદ 1995થી 2017 સુધી એટલે કે 6 ટર્મથી બાહુબલી નેતાની ઓળખ ધરાવતા મધુ શ્રીવાસ્તવ જીતતા આવ્યા છે. આ વખતે વડોદરાની વાઘોડિયા બેઠક પર ઉમેદવારને લઈને કોકડુ ગુંચવાયું છે. કારણ કે સંગઠનમાં નો-રિપીટનો સૂર ઉઠ્યો છે. આ બેઠક પર ભારતીય જનતા પાર્ટી મધુ શ્રીવાસ્તવ અને ધર્મેન્દ્રસિંહ વાઘેલાને ટક્કર આપે તેવા ચહેરાની શોધમાં છે. આપને જણાવી દઈએ કે, ગત 2017ની ચૂંટણીમાં આ બેઠક પર ધર્મેન્દ્રસિંહ વાઘેલા અપક્ષ ઉભા રહ્યા હતા. તેઓને 52734 મત મળ્યા હતા. જ્યારે ભાજપના ઉમેદવાર મધુ શ્રીવાસ્તવને 63,049 મત મળ્યા હતા
સેન્સ પ્રક્રિયા વખતે દબંગ નેતાને દૂર રાખવામાં આવ્યા
વડોદરાની વાઘોડીયા બેઠકના ભાજપના ઉમેદવાર માટેની સેન્સ પ્રક્રિયા વખતે કેન્દ્રિય મંત્રી પુરૂષોત્તમ રૂપાલાના અધ્યક્ષ સ્થાને મીટીંગ મળી હતી. ત્યારે દબંગ નેતાને મીટીંગથી દૂર રાખવામાં આવ્યા હોવાનું પણ ચર્ચામાં આવ્યું હતું. ત્યારે યોજાયેલ બેઠક બાદ જ દબંગ નેતાની ટિકિટ કપાય તેવી ચર્ચા "ટોક ઓફ ધ ટાઉન" બની હતી.