ચીનની ઉત્પાદન ક્ષમતાને નકારી શકાય તેમ નથી પણ ભારત પણ કંઈ આંક્યુ જાય તેમ નથી. આત્મનિર્ભર અને મેડ ઈન ઈન્ડિયાનું ઉત્તમ ઉદાહરણ તાજેતરમાં જ જોવા મળ્યુ જ્યારે અમદાવાદના સાણંદ પાસે સેનેટરી નેપકિન બનાવતી કંપની યુનિર્ચામમાં આગ લાગી ત્યારે તે આગને બુઝાવવા માટે રોબોટને કામે લગાવાયા હતા જે રોબોટ 'made in india' હતા.
કેવી રીતે કામ કરે છે રોબો!
રૂ. 1 કરોડને ખર્ચે તૈયાર કરવામાં આવ્યો છે ફાયર રોબો
700 ડિગ્રી તાપમાન સેહનાર રોબોએ આ કામ કરી બતાવ્યું
સાણંદમાં લાગેલી વિકરાળ આગને કાબૂમાં લેવા માટે રોબોટનો સહારો લેવામાં આવ્યો હતો ત્યારે સહેજે ઉત્સુકતા થાય કે એ રોબોટ શું હતો? તો તમને એ જાણવું જરૂરથી ગમશે કે, છેલ્લા 10 વર્ષમાં લાગેલી ભીષણ આગમાં સાણંદની આ આગનો સમાવેશ થાય છે ત્યારે આ વખતે તાપમાન ખુબ જ વધી ગયુ હતુ એ વખતે રૂ. 1 કરોડને ખર્ચે તૈયાર કરવામાં આવેલ રોબોટ કામ આવ્યો હતો અને 700 ડિગ્રી તાપમાન સેહનાર રોબોએ આ કામ કરી બતાવ્યું હતુ.
આ રોબોટનો નવેમ્બર 2019માં અમદાવાદ ફાયર બ્રિગેડમાં સમાવેશ કરવામાં આવ્યો હતો. અમદાવાદની વાડિયા બોડી બિલ્ડર કંપનીએ 6 પૈડાંનું વાહન શેષનાગ બનાવ્યું છે. જ્યારે ચાંગોદરની કંપનીએ રોબોટ તૈયાર કર્યો છે. આ રોબોટને શેષનાગ સાથે જોડીને આગ બુઝાવવાની કામગીરી કરવામાં આવી હતી.
કેવી રીતે કામ કરે છે રોબો!
કોડલેસ રિમોટથી સંચાલિત ફાયર રોબો શેષનાગ વ્હીકલ સાથે જોડીને 700 ડિગ્રી ઊંચા તાપમાનમાં કામ કરી શકે છે.
ઊંચા તાપમાને પણ પાંચ મિટરના અંતરે જઇને પોતાને ઠંડું રાખી પાણીનો છંટકાવ કરી આગ બુઝાવી શકે છે.
છ પૈડા પર ચાલતો આ ફાયર રોબોટ ફાયર ટેન્કરથી 500 મીટર દૂર જઈ શકે છે. એક મિનિટમાં 300 લિટર પાણીનો છંટકાવ કરવાની ક્ષમતા ધરાવે છે.
100 કિલો પ્રેશર એટલે કે 950 પાઉન્ડ પ્રેશરથી વાર કરી શકે છે.
આ ફાયર રોબોટમાં એક સાથે પાણીની પાંચ લાઈનો જોડીને તેની સાથે 500 મીટરની હોઝ પાઈપ જોડીને સમગ્ર ઓપરેશન પાર પાડવામાં આવ્યું હતું
અત્યાર સુધીમાં આ ફાયર ફાઈટરે માત્ર ડેમોમાં કામ કર્યું હતું પરંતુ પહેલી વખત તેનો ઉપયોગ કરીને આગ બુઝાવવામાં આવી હતી.