રાજનીતિ / કોંગ્રેસમાં જઈને ભૂલ કરી, માફ કરજો: ગુજરાતનાં આ દિગ્ગજ નેતાએ આપ્યું મોટું નિવેદન, જુઓ શું કહ્યું

• કોંગ્રેસમાં આવીને ભૂલ કરી છે, એ માટે મને માફ કરો
• ભાજપે એ ગુજરાતને સુખી ગુજરાત બનાવ્યું
• મફતની રેવડીઓ ગુજરાતવાસીઓને પસંદ નથી 

આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો 26 હજાર 409 મતદાન મથકો પર મતદાન શરૂ થયું છે.  આ ચૂંટણીમાં ભાજપના નેતા અલ્પેશ ઠાકોર આ વખતે ગાંધીનગર દક્ષિણ બેઠક પરથી ચૂંટણી લડી રહ્યા છે અને તેમની બેઠક પર આજે જ મતદાન થઈ રહ્યું છે. આ બધા વચ્ચે અલ્પેશ ઠાકોરે કહ્યું હતું કે કોંગ્રેસમાં આવીને ભૂલ કરી છે, એ માટે મને માફ કરો. આ સાથે ગુલાબ નબી આઝાદ અને 50 વર્ષથી કોંગ્રેસ સાથે જોડાયેલા અન્ય નેતાઓને પણ પોતાની ભૂલનો અહેસાસ થઈ રહ્યો છે. ભાજપ ગુજરાતમાં વિકાસના નામે વોટ મેળવશે અને ભાજપની 150થી વધુ બેઠકો સાથે આ વખતે પણ જીત નિશ્ચિત છે.

ભાજપે એ ગુજરાતને સુખી ગુજરાત બનાવ્યું
જણાવી દઈએ કે એક વાતચીત દરમિયાન અલ્પેશ ઠાકોરે કહ્યું હતું કે, 'ગાંધીનગર દક્ષિણની સાથે સમગ્ર ગુજરાતમાં ભાજપ જીતવા જઈ રહી છે અને ભાજપ 150થી વધુ સીટો જીતશે. ભાજપમાં વિચારધારા બાકી છે, તે પાયો છે, રાષ્ટ્રવાદની વિચારધારા છે. 2017માં જે ભૂલ થઈ હતી વારંવાર તેનું પુનરાવર્તન કરવું ખોટું છે. કોંગ્રેસમાં જોડાઈને મેં ભૂલ કરી હતી. જે ખરાબ સ્થિતિમાં ગુજરાત હતું ભાજપે એ ગુજરાતને સુખી ગુજરાત બનાવ્યું છે.

મફતની રેવડીઓ ગુજરાતવાસીઓને પસંદ નથી 
અલ્પેશ ઠાકોરે આગળ જણાવ્યું હતું કે, 'ભાજપ સરકારમાં અહીં રસ્તા, શિક્ષણ, ઈન્ફ્રાસ્ટ્રકચર બધું જ સુધર્યું છે. આમ આદમી પાર્ટીની જમાનત જપ્ત કરવામાં આવી રહી છે. મફતની રેવડીઓ ગુજરાતવાસીઓને ક્યારેય સ્વીકાર્ય નથી. એટલા માટે આમ આદમી પાર્ટી હારશે. ગુજરાતમાં કોઈ ડર નથી, તોફાનો નથી અને સરકાર સુરક્ષા માટે કામ કરી રહી છે. હું દારૂબંધીની વાતો કરતો, રોજગારની વાત કરતો અને શિક્ષણની વાત કરતો, આ બધુ ગુજરાતમાં ભરપૂર પ્રમાણમાં છે. મેં સમાજ માટે કામ કર્યું છે અને ગરીબ અને પછાત લોકો આગળ આવે એ માટે કામ કર્યું છે. 

ગુલામ નબી આઝાદ એ હવે ભૂલ સુધારી 
અલ્પેશ ઠાકોરે કહ્યું કે પાંચ વર્ષ પહેલા કોંગ્રેસમાં આવીને ભૂલ કરી હતી, તે માટે માફ કરશો. હું આખા દેશને કહું છું કે કોંગ્રેસમાં જોડાઈને ભૂલ ન કરો. 50 વર્ષના ગુલામ નબી આઝાદ અને અન્ય લોકોને હવે ભૂલ સુધારવાનો મોકો મળ્યો, અમને બે વર્ષમાં ભૂલ સુધારવાની તક મળી અને અમે તેને સુધારી લીધી.