પર્દાફાશ / નકલી પાસપોર્ટને આધારે 25 વખત કર્યો બાંગ્લાદેશનો પ્રવાસ, સુરતમાં બોગસ પાસપોર્ટનું કૌભાંડ ઝડપાતા હડકંપ

• સુરતમાં ડુપ્લીકેટ પાસપોર્ટ-વિઝાનું કૌભાંડ ઝડપાયું
• વિવિધ દેશના બોગસ વિઝા આધારિત પાસપોર્ટ મળ્યા
• આરોપી આદમે 25 વખત કર્યો બાંગ્લાદેશનો પ્રવાસ

સુરતના મોટા વરાછામાં નકલી પાસપોર્ટ અને વિઝાના કૌભાંડનો પર્દાફાશ થયો છે. સુરતના મોટા વરાછામાં ATS એ દરોડા પાડ્યા હતા જેમાં મોટી સંખ્યાં વિવિધ દેશના નકલી પાસપોર્ટ વિઝા મળી આવ્યા હતા આ પાસપોર્ટ અને વિઝાને આધારે લોકોને વિદેશ મોકલવામાં આવતા હોવાનું પણ સામે આવ્યું છે.



મોટા વરાછામાંથી ઝડપાયું પાસપોર્ટ-વિઝા કૌભાંડ

સમગ્ર મામલે ATS બાતમી મળી હતી કે આદમ નામનો શખ્સ નકલી પાસપોર્ટ અને વિઝા બનાવી આપે છે જેમાં ATS એ આરોપીને ઘરે દરોડા પાડ્યા હતા જેના ઘરમાંથી વિવિધ દેશના વિઝા આધારીત પાસપોર્ટ મળી આવ્યા હતા. 

વિવિધ દેશના બોગસ વિઝા આધારિત પાસપોર્ટ મળ્યા

તપાસમાં આફ્રિકા, કેનેડા, US, પેરૂ, નેપાળ જેવા દેશોના બોગસ વિઝા આધારીત પાસપોર્ટ પણ મળી આવ્યા હતા. મહત્વનું છે કે આરોપી આદમે અત્યાર સુધીમાં 25 વાર બાંગ્લાદેશનો પ્રવાસ કરી આવ્યો હોવાનું પણ સામે આવ્યું છે.

આરોપી આદમે 25 વખત કર્યો બાંગ્લાદેશનો પ્રવાસ

ATS ની તપાસમાં મોટા ખુલાસાઓ સામે આવ્યા છે આરોપી આદમ લોકોને 1 લાખ ડોલરના રોકાણ પર ડુપ્લિકેટ ડોમિનીક પાસપોર્ટ બનાવી આપતો તેમજ આફ્રિકા-પાકિસ્તાનના ક્લાઇન્ટ હોવાનું સામે આવ્યું છે. 

આફ્રિકા-પાકિસ્તાનના ક્લાઇન્ટ હોવાનું આવ્યુ સામે

મહત્વનું છે કે મોટા વરાછામાં જાદવત ફળિયામાં રહેતો ઇરફાન ઐયુબ ઇસ્માઈલ આદમ વિવિધ દેશોના બોગસ પાસપોર્ટ અને વિઝા બનાવી લોકોને વિદેશ મોકલતો હોવાનું સામે આવતા ATS એ તપાસ કાર્યવાહી હાથ ધરી હતી જેમાં આરોપીના ઘરેથી વિવિધ પાસપોર્ટ ઓફિસેથી બોગસ પાસપોર્ટ મેળવ્યા હતા.