આ તો જબરી ઘટના / સપનાનું મોત ! બાળકીએ ટીચરને સપનામાં આવું કરતા જોયા, ગળું કાપીને શિક્ષિકાની હત્યા, જાણો ચોંકાવનારો કિસ્સો

• પાકિસ્તાનમાં ઈશનિંદાનો અજીબ કિસ્સો
• ટીચર ઈશનિંદા કરતા હોવાનું બાળકીએ સપનામાં જોયું
• બીજા ટીચરને વાત કરી
• બધા ભેગા મળીને ટીચરનું ગળુ કાપી નાખ્યું 

સપનામાં કરેલી ઈશનિંદા પણ મોત નોતરી શકે છે તેવી વર્લ્ડની પહેલી ઘટના બની છે જેમાં એક બાળકીના સપનાને આધારે ટીચરે જીવ ગુમાવવાનો વારો આવ્યો. પાકિસ્તાનમાં ઈશનિંદા નામે હત્યાઓનો સિલસિલો અટકવાનું નામ નથી લઈ રહ્યો. પાકિસ્તાનના ડેરા ઇસ્માઇલ ખાનમાં નિંદાના આરોપમાં મંગળવારે ત્રણ મહિલા શિક્ષકોએ તેમની એક સાથી મહિલા શિક્ષિકાની ગળું કાપીને હત્યા કરી દીધી હતી. નવાઈની વાત એ છે કે, મૃતક શિક્ષિકા પર સ્વપ્નના આધારે ઈશનિંદાનો આરોપ લાગ્યો હતો.આ ઘટના જામિયા ઇસ્લામિયા ફલાહુલ બિનત ખાતે બની હતી. પોલીસ ઘટના સ્થળે પહોંચી તો તેમને શિક્ષકની લોહીથી લથપથ લાશ મળી. ત્યારબાદ તમામ આરોપીઓની ધરપકડ કરવામાં આવી હતી.

13 વર્ષની છોકરીએ જોયું હતું સપનું 

પાકિસ્તાનના ડેરા ઇસ્માઇલ ખાન સ્થિત મદરેસામાં ભણતી 13 વર્ષની છોકરીએ રાતે સપનામાં જોયું હતું કે તેની ટીચર ઈશનિંદા કરી રહી હતી અને તેને તે ટીચરની હત્યા કરવાનો આદેશ મળ્યો. સવારમાં બાળકીએ તેના બીજા ટીચરને આ સપના વિશે વાત કરી હતી. ત્યારે તેઓ બધા ખળભળી ઉઠ્યાં હતા અને તેમણે બાળકીના સપનાને આધારે આવું પાપ કરનારની હત્યા કરવાનો નિર્ણય કરી લીધો અને ત્યાર બાદ ધારધાર હથિયારથી ગળું કાપીને હત્યા કરી દેવાઈ. 

ગત વર્ષે પાકિસ્તાનમાં શ્રીલંકાના વતનીને જીવતો સળગાવી દેવાયો હતો 
ગત વર્ષે પાકિસ્તાનના સિયાલકોટમાં શ્રીલંકાઈ મૂળના એક ફેક્ટરી મેનેજરની પણ ઈશનિંદાના આરોપમાં જાહેરમાં જીવતા સળગાવી દેવાયા હતા. પ્રિયંથા કુમારા નામના આ શખ્સની રુમમાં એક ફાટેલું પોસ્ટર મળ્યું હતું જેની પર મોહમ્મદ લખ્યું હતું. ફેક્ટરીમાં કામ કરનાર લોકોએ તેને પયગંબરનું અપમાન માની લીધું હતું.