તલાક / 2.52 લાખ કરોડના શૅર્સની સાથે ચૌથી સૌથી ધનિક મહિલા બની એમેઝોનના CEOની એક્સ વાઇફ

અમેઝોનના CEO જેફ બેજોસની તલાકની પ્રક્રિયા પૂરી થઇ ગઇ છે. આ સાથે જ (બેજોસની પૂર્વ પત્ની) વિશ્વની ચોથી સૌથી ધનવાન મહિલા બની ગઇ છે, તેના ભાગમાં એમેઝોનના 4 % શૅર આવ્યા છે. જેની વેલ્યૂ 36.5 અબજ ડોલર (2.52 લાખ કરોડ રૂપિયા) છે. સંયુક્ત શૅરોમાં સંયુક્ત શૅર્સમાંથી મેકેન્ઝીને હિસ્સો આપ્યા બાદ પણ જેફ બેજોસ 114 અબજ ડોલર (7.87 લાખ કરોડ રૂપિયા)ની નેટવર્થ સાથે વિશ્વના સૌથી મોટાં ધનવાન બની ગયા છે. 

વિશ્વની 3 સૌથી ધનિક મહિલાઓ:

ફ્રેકોઇસ મીયર્સ - લોરિયલ ગ્રુપ - 53.7  અબજ ડૉલર

એલાઇસ વોલ્ટન- વોલમાર્ટ ગ્રુપ- 44.2 અબજ ડૉલર

જેકલિન માર્સ- માર્સ ગ્રુપ- 37.1 અબજ ડૉલર

ડિવોર્સ માટેના એગ્રીમેન્ટ અનુસાર, મેકેન્ઝી સંયુક્ત શૅર્સમાંથી 75 % બેજોસને આપવા અને 25 % પોતાની પાસે રાખવા માટે રાજી થઇ. બંનેની પાસે એમેઝોનના 16 % શૅર હતા. તેમાંથી 4 %  હવે મેકેન્ઝી પાસે છે. જો કે, મેકેન્ઝીએ પોતાના હિસ્સાના શૅર્સના વોટિંગ રાઇટ્સ બેજોસને આપ્યા છે. બેજોસના ન્યૂઝપેપર વોશિંગ્ટન પોસ્ટ અને સ્પેસ કંપની બ્લૂ ઓરિજિનમાં પણ તેણે કોઇ ભાગીદારી નથી માંગી. 



મેકેન્ઝીની પાસે 4 % શૅર્સ આવ્યા બાદ જેફ બેજોસની પાસે એમેઝોનના 12 % શૅર્સ રહી ગયા છે. તેઓ એમેઝોનના સૌથી મોટાં શૅરધારક છે. બીજા નંબરે ઇન્વેસ્ટમેન્ટ ગ્રુન વેનગાર્ડ છે. મેકેન્ઝી ત્રીજી સૌથી મોટી શૅર હોલ્ડર બની ગઇ છે. 

જેફ બેજોસ અને મેકેન્ઝીએ આ વર્ષે જાન્યુઆરીમાં ડિવોર્સની જાહેરાત કરી હતી. તે સમયે ક્યાસ લગાવવામાં આવ્યા કે, મેકેન્ઝી વિશ્વની સૌથી અમીર મહિલા બની શકે છે. વોશિંગ્ટન કાયદા અનુસાર, લગ્ન બાદ એકઠી થયેલી સંપત્તિ ડિવોર્સ સમયે પતિ-પત્નીમાં સરખા ભાગે વહેંચવામાં આવે છે. આવું થાય છે તો જેફ બેજોસ વિશ્વના અમીરોના લિસ્ટમાં પેહલા નંબરેથી હટીને ચોથા નંબરે આવી જતા. બ્લૂમબર્ગ બિલિયોનર ઇન્ડેક્સમાં માઇક્રોસોફ્ટના કો-ફાઉન્ડર બિલ ગેટ્સ (નેટવર્થ 102 અબજ ડોલર) બીજાં નંબરે છે. 

મેકેન્ઝી નોવેલિસ્ટ છે અને તેઓએ ધ ટેસ્ટિંગ ઓફ લૂથર અલબ્રાઇટ અને ટ્રેપ્સ સહિત અનેક પુસ્તકો લખ્યા છે. વર્ષે 1992માં જોબ ઇન્ટરવ્યુ દરમિયાન જેફ બેજોસ સાથે તેની પહેલી મુલાકાત થઇ હતી. તે હેજ ફંડ કંપનીની ડી ઇ શોમાં ઇન્ટરવ્યુ માટે ગઇ હતી. જેફ બેજોસે જ તેનો ઇન્ટરવ્યુ લીધો હતો. '



વર્ષ 1993માં જેફ અને મેકેન્ઝીના લગ્ન થયા હતા. તે સમયે બંને હેજ ફંડ કંપની ડી ઇ શોમાં કામ કરતા હતા. લગ્નના આગામી વર્ષે એટલે કે, 1994માં જેફ બેજોસે એમેઝોનની શરૂઆત કરી. એમેઝોન પહેલાં કોન્ટ્રાક્ટ માટે મેકેન્ઝીએ જ ડીલ કરી હતી. ગેરેજથી શરૂ થયેલી એમેઝોન આજે વિશ્વની ટોપ-3 કંપનીઓમાં સામેલ છે. કંપનીની માર્કેટ કેપ 893 અબજ ડોલર છે. 

જેફ બેજોસ અને મેકેન્ઝીના ડિવોર્સની જાહેરાતના એક દિવસ બાદ અમેરિકન મેગેઝીન ધ ઇન્ક્વાયરે ખુલાસો કર્યો હતો કે, બેજોસના ડિવોર્સ લેવાનું કારણ પૂર્વ ટીવી એન્કર લોરેન સેન્ચેઝ છે. બેજોસ અને સેન્ચેઝ રિલેશનશિપમાં છે. મેગેઝીને બંનેની પર્સનલ તસવીરો અને મેસેજ સાર્વજનિક કર્યા હતા. તેઓએ જણાવ્યું કે, બેજોસ સેન્ચેઝને અશ્લીલ મેસેજ અને તસવીરો મોકલે છે. બેજોસે તેની તપાસ કરાવી કે તેના મેસેજ લીક કેવી રીતે થયા. થોડાં દિવસો અગાઉ તપાસ ટીમે જણાવ્યું કે, બેજોસના ફોન હેક થયો હતો, તેમાં સાઉદી અરેબિયાનો હાથ હતો.