પ્રોજેક્ટ / મા અંબાનું ધામ અંબાજી આગામી સમયમાં એવું બદલાશે કે જાણીને ખુશ થઈ જશો

અંબાજી મંદિરમાં યાત્રાધામ વિકાસ પ્રધાનની અધ્યક્ષતામાં મેરેથોન મિટિંગ યોજાઈ  હતી. જેમાં અંબાજીમાં માતાજીની પ્રતિમાનું  નિર્માણ કરવા માટે પ્રપોઝલ તૈયાર કરવામાં આવશે તેવું નક્કી કરવામાં આવ્યું છે. આ પ્રતિમાની સરકારની મંજૂરી મળે તે એકવર્ષની અવધીમાં પૂરું કરવાનું અંદાજ છે.

જ્યારે સ્કાયવોક-કાચનો પુલના એમઓયુ ઉષા બ્રેકો કંપની સાથે થયા છે. આ સ્કાયવોક પણ એક વર્ષની સમયગાળામાં પૂરો કરવાની ગણતરી  હોવાનું આધારભૂત સૂત્રો દ્વારા જાણવા મળે છે. આ અંગે  યાત્રાધામ વિકાસ પ્રધાન વિભાવરીબહેન દવેએ જણાવ્યું હતું કે નજીક આવી રહેલો આ વર્ષનો ભાદરવી મહામેળો ૨૦૧૯ સંપૂર્ણપણે પ્લાસ્ટિક મુક્ત યોજાશે.
 

આ ઉપરાંત આગામી ટૂંક સમયમાં ભાદરવી મેળાની શરૂઆત પૂર્વે  ગબ્બર પગથિયાંનું નવિનીકરણ ૧૫.૬૭ કરોડ રૂપિયાના ખર્ચ અને ભોજનાલય/પ્રસાદ ગૃહ માટે ૨૬.૯૦ કરોડ ખર્ચ કરવામાં આવશે. LED સ્ક્રીન અને પબ્લિક એડ્રેસ સિસ્ટમની વ્યવસ્થા, એસટી વર્કશોપ,ગબ્બર હિલ પ્રોટેક્શન, થ્રી ડી મૂવી શો વગેરે સહિતનાં અન્ય કાર્યો પણ હાથ ધરાશે.

અંબાજીમાં ગબ્બર ખાતે ભક્તો  હવે આગામી એક વર્ષ બાદ રોમાંચક અને સાહસિકતાથી ભરપૂર ‘સ્કાય વોક’ની મજા માણી શકશે. આ પ્રોજેક્ટ વહેલી તકે પૂર્ણ થાય તેની ઉપર પણ ધ્યાન રખાશે. પર્વત ઉપર બનનારો આ સ્કાય વોક-કાચનો પુલ ભારતનો પ્રથમ હશે.
 

સ્ટેચ્યુ આેફ યુનિટીનાં અજોડ આકર્ષણ પછી ગુજરાતમાં પ્રવાસીઆે માટેનું આ વધુ એક મનપસંદ સ્થળ બનશે ગબ્બર પર્વત ઉપર પારદર્શક કાચ ઉપર ચાલી શકાય અને નીચે જોઇ શકાય તેવો સ્કાય વોક બનાવવામાં આવશે.

ગબ્બરના પહાડ ઉપર બહારની બાજુએ એક સાઇડથી બીજી સાઇડ સુધી મજબૂત કાચ ઉપર ચાલીને જઇ શકાય અરવલ્લીની પહાડીઆે-ખીણ નિહાળી શકે તે રીતે આઉટડોર સ્કાય વોક' બનાવવામાં આવશે.